Udal eta foru hauteskundeak 2019: Maiatzaren 26an, Euskadin eta Nafarroan | EITB Hauteskundeak albisteak

Udalen osaketa

21:18

Udalen osaketa

Hauteskunde-kanpaina

PSEk EAJren 'herentzia ekonomikoa xahutu du', Bilbaoren arabera

Erredakzioa

EAJren ahaldun nagusigaiak uste du sozialistei "gehiago interesatzen zaiela propaganda egitea gauzek ondo funtzionatzea baino".

67
  • Whatsapp
  • Whatsapp
  • telegram
  • Bidali

Jose Luis Bilbao Bizkaiko ahaldun nagusigaiak sozialisten Jaurlaritza kritikatu du eta "Ibarretxeren Jaurlaritzak utzitako herentzia ekonomikoa xahutzea" leporatu dio.

Durangoko Ezkurdi plazan egindako ekitaldi batean izan da Bilbao Aitziber Idigoras alkategaiarekin eta Iñigo Urkullu jeltzaleen buruarekin.

Bilbaok salatu du Jaurlaritzak "okerrera" egin duela eta hainbat adibide jarri ditu: "Euskadi hamargarrena zen berrikuntzan Europa mailan, Europako batez bestekoaren gainetik, eta bi urtetan hamabosgarren postura jaitsi gara".

Beste adibide bat ere aipatu du: "Egun metroa ia egunero gelditzen da, funtziona dezan inbertsioak egin behar direlako mantenuan, eta hauek metroaren aurrekontua 1,2 milioi igo zuten publizitaterako. Gehiago interesatzen zaie propaganda gauzek ondo funtzionatzea baino". Horren aurrean, EAJk "irtenbide eraginkorrak" eskaintzen omen ditu.

Ekitaldian parte hartu du Iñigo Urkullu EAJren presidenteak ere eta bere alderdiak "aro berri bat, indarkeriarik, ilegalizaziorik eta blokerik gabekoa" eskaintzen duela adierazi du.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena