Udal eta foru hauteskundeak 2019: Maiatzaren 26an, Euskadin eta Nafarroan | EITB Hauteskundeak albisteak

Udalen osaketa

17:46

Udalen osaketa

Hauteskunde kanpaina

Langileen aurkako 'erasoak' hauteslekuetan gelditzeko dei egin du EBk

Erredakzioa

Alderdiak "matxinatzeko" eskatu die herritarrei eta "gazteei", haien botoak "oso baliotsuak" baitira.

30
  • Whatsapp
  • Whatsapp
  • telegram
  • Bidali

Arantza Gonzalez EBren Gipuzkoako ahaldun nagusigaiak "iraultza demokratikoa" egiteko dei egin die herritarrei eta "gazteei", "eskuin neoliberalak langileen aurka egindako erasoak" hauteslekuetan geldiarazteko.

Gonzalezek Donostian egin ditu adierazpenok. Bertan, Gipuzkoako erraustegi proiektuaren aurkako ekitaldi bat egin du alderdi ezkertiarrak.

Gonzalezek "matxinatzeko" eta bozkatzera joateko eskatu die herritarrei, haien botoek "balio handia" dutelako eta langileek ezin dituztelako "onartu" eskuin neoliberalen partetik etorritako "erasoak". Eraso horiek "PSOEk" egin ditu, "EAJk babestu ditu" eta "PPk txalotu egin ditu, intimitatetik".

Bestalde, Kintxo Gomez Donostiako alkategaiak zaborren kudeaketa jasangarriaren alde egin du, eta baztertu egin du PSEk, EAJk eta PPk "inposatu" nahi duten erraustegia sortzea, donostiarren eta gipuzkoarren osasuna eta ekonomia "arriskuan" jarriko dituelako.

"Erraustegia zarrastelkeria ekonomiko sinestezina da, hondakinen kudeaketa bankuen esku uzten duelako, eta haiek mozkinei baino ez diete begiratzen, gizartearen osasuna eta beharrizanak kontuan hartu gabe", adierazi du.

Gomezek gogorarazi du errausketak ez duela ixten "zaborraren zikloa", zabortegi bat behar baitu hondakin toxikoak uzteko.

Bere esanetan, EAJk eta PSEk ez dute "zabor bilketa selektiboen" alde egiten, bosgarren edukiontzia "Amaran, Azpeitian, Orion eta Zarautzen" baino ez baitago.

Ezker Batuko hautagaiak esan du erraustegia geldiarazteko lanetan jarraituko dutela, eta sistema jasangarriagoen alde egingo dutela.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena