Udal eta foru hauteskundeak -
Kanpainaurrea
Muriel Larreak emakumeen "batasuna" eskatu du, berdintasunaren aldeko borrokan
Gipuzkoako PPko presidenteak emakumeek erabat garatzeko pairatzen dituzten "oztopoak" amaituko dituen arau esparru bat garatzea defendatu du.
Agentziak | EITB Media
Muriel Larrea Gipuzkoako PPko presidenteak berdintasunaren aldeko eta indarkeria matxistaren aurkako borrokan emakumeen "batasuna" eskatu du igande honetan.
Larreak igande honetan egin ditu adierazpenok Donostiako Boulevardean, Lilaton emakumeen lasterketa jendetsuaren 33. edizioa hasi baino minutu batzuk lehenago.
PPko buruzagiak, Borja Corominas Donostiako alkategaiarekin batera, "emakumeak zatitzen saiatzen diren" eztabaida publikoen aurka egin du.
"Ez du laguntzen sexu erasotzaileak kartzeletatik ateratzeak edo zigorrak murrizteak. Horrelako legeek emakumeak banatzen dituzte", salatu du Larreak.
Testuinguru horretan, "XXI. mende betean" emakumeek pairatzen dituzten "oztopoei" amaiera emango dien arau esparru bat garatzea defendatu du.
Berdintasuna aldarrikatzean eta indarkeria matxistaren aurkako borrokan "aniztasunaren barruan batasuna" aldarrikatu du. "Elkarrekin gehiago eta hobeak gara", azpimarratu du.