Txetxu Ugalde, Borja Elorza eta Aitor Elizegi, Ohorezko Hiritarrak

Honako hauek dira 2016ko Ohorezko Hiritarrak Bilboko Hiribilduan: Txetxu Ugalde kazetari eta aurkezlea, Borja Elorza harreman publikoetan aditu eta gizarte-jardueren bultzatzailea, Aitor Elizegi sukaldaria eta Baly, jaietako lehen igandeko Balearen Desfileko protagonista. Hamazortzigarren aldiz emango dituzte sari hauek, eta aurtengo entrega-ekitaldia datorren astelehenean izango da, abuztuaren 22an, Carlton Hotelean; hau da, Bilboko Aste Nagusian.

Aitor Elizegi sukaldaria. Argazkia: EiTB.

Epaimahaiak, hala, Bilbo handiago egiten lagundu duten lau izen nabarmentzen ditu. Sariaren antolatzaileek gogorarazten dutenez, golardoaren izenean Bizkaiko hiriburua Hiribildua dela uzten da agerian; izan ere, Diego Lopez de Harok hiri-gutuna eman zuen 1300eko ekainaren 15ean, eta, hortik aurrera, Bilbok aipatu titulua du.

Baly balea. Argazkia: EiTB.

Ezarritako protokoloari jarraituz, Ugaldek Elorzak, Elizegik eta Balyk Aste Nagusian jasoko dituzte sariak.

Borja Elorza harreman publikoetan aditu eta gizarte-jardueren bultzatzailea. Argazkia: EiTB.