Eusko Label Liga: Bermeo
Zarauzko ikurrina
Urdaibaik bereganatu du Zarauzko lehen jardunaldi nahasia
I. G. | EITB Media
Balizetako batekin arazoak izan ondoren, ohorezko txanda erlojupeko formatuan jokatu da, eta bermeotarrak izan dira azkarrenak.
Urdaibaik Zarauzko Ikurrinaren lehen jardunaldia irabazi du. Estropada korapilatsua izan da, bigarren txandan baliza bat hautsi baita, eta, ondorioz, ohorezko txandaren formatua aldatu behar izan da, erlojupekoan jokatuz.
Itsasoa egoera latzean zegoen 19:30ean, arazoa konpondu eta formatu-aldaketa hori erabaki denean, baina Urdaibaiko ontziak ez du arazorik izan. Hondarribiak eta Oriok hiru segundo defendatu beharko dituzte Gipuzkoako kostaldean garaipena lortzeko.
Urdaibai eta Hondarribia dira, hasiera batean, ligako banderarik preziatuena irabazteko faborito nagusiak, baina ez Donostiarrak, ezta Oriok ere, ez dute azken hitza esan eta igande honetan erabakiko da dena.
Bigarren txandak Ondarroaren erakustaldia eskaini du, ia hasieratik martxa bat gehiago eginez joan dena eta Cabok eta Kaikuk ziabogari aurre egiteko izan dituzten arazoei etekina atera diena.
Lehenengo txandan, Aresek azken postuan bukatu du berriz, eta Lekittarra eta Santurtziren arteko pultsua lehenengoaren alde erabaki da.
Eusko Label Ligako sailkapena Zarauzko Ikurrinan. Irudia: EITB Media
Eusko Label Ligako sailkapen nagusia. Irudia: EITB media
