Orio eta Urdaibai, 2022ko Kontxako Banderako irabazleak

Orio emakumezkoetan eta Urdaibai gizonezkoetan izan dira 2022ko Kontxako Banderako irabazleak. Oriotarrek zein bermeotarrek bigarren jardunaldian nagusituta bereganatu dute garaipena. Gainera, lehen jardunaldian ere bi talde hauek izan ziren onenak.

Emakumezkoen mailan oso estua izan da Orioren eta Arraun Lagunaken arteko lehia. Oriok bi segundoko abantaila lortu zuen lehen jardunaldian eta bigarreneko azken metroetan parean jarri zaio Arraun Lagunak. Hala ere, azken esprintean Orio gailendu da.

1:41

Azken unera arte izan dute Oriok eta Arraun Lagunakek Kontxako Bandera erabakitzeko lehia

Bandera bereganatu ostean poza eta ospakizunak izan dira nagusi Oriokoen taldean.

1:47

Horrela jaso dute Kontxako Bandera Orioko arraunlariek

Nadeth Agirre patroia pozik azaldu da Kontxako Bandera irabazi ostean.

1:12

Nadeth Agirre: ''Estu joan da estropada, azkenean irabazi egin dugu, eta oso gustura gaude''

Arraun Lagunakek lan bikaina egin du, baina ezin izan du bandera etxera eraman. Xubane Uribarrena "harro" azaldu da egin duten lanarengatik.

1:52

Xubane Uribarrena: “Ez dugu amore eman eta ez gara galtzaile sentitzen, psikologikoki irabazleak gara”

Gizonezkoen mailan Urdaibai jaun eta jabe izan da hasieratik amaieraraino. Bermeokoek estropada kontrolpean izan dute une oro.

2:48

Urdaibairen azken metroak 2022ko Kontxako bandera eskuratzeko

Bi jardunaldiak irabazi ostean Kontxako Bandera jasotzerakoan pozak eztanda egin du.

1:24

Urdaibaik Kontxako Bandera jaso duen momentua

Gorka Aranberri Urdaibaiko patroia gustura agertu da taldeak egin duen lanarekin.

2:00

Gorka Aranberri: “Taldea horrelakoak egiteko prest zegoen, lehertzea falta zitzaion eta gaur egin dugu”

Donostiarra bigarren izan da bigarren jardunaldian, baita sailkapen nagusian. Arkaitz Diaz Donostiarrako patroiak taldeak egindako lanaz hitz egin eta Urdaibai zoriondu du.

0:59

Arkaitz Diaz: ''Oso estropada ona egin dugu, pausoz pauso goaz eta onenetatik gero eta gertuago gaude''

Hondarribiak ez du egun ona izan. Hasieratik atzean geratu da eta garaipenaren borrokaik at geratu da. Lehen jardunaldian bigarren izan zen arren, bigarren jardunaldian hirugarren izan da, eta sailkapen nagusiko hirugarren postuan amaitu du Kontxako Bandera. Mikel Orbañanos entrenatzaileak ez du aitzakiarik jarri.

1:24

Orbañanos: ''Ezin izan dugu gure bertsiorik onena atera eta guretzat egun iluna izan da hau''