Publizitatea
Itxi

2020/12/12

21:37

Alaves

13. jardunaldia

Alavesek galdu egin du Huescan, eta agur esan dio bolada onari (1-0)

AGENTZIAK | ERREDAKZIOA

Machinen mutilek sei partida zeramatzaten lehiarik galdu gabe, baina Aragoiko taldearen denboraldiko lehen garaipenarekin egin dute topo.

0
Huesca – Alaves partidako laburpena eta gol guztiak
  • Whatsapp
  • Whatsapp
  • Telegram
  • Bidali

Huescak denboraldiko lehen garaipena lortu du Alavesi 1-0 irabazi eta gero, bigarren zatian sartutako gol bakarrarekin. Emaitza horrek hauspo handia eman dio Huescako taldeari, gehien behar zuen unean.

Bien bitartean, gaurko porrotak sailkapenaren goiko aldera hurbiltzeko zuen asmoa zapuztu dio Alavesi, sei jardunaldi jarraian galdu gabe eman ostean.

Partidako gol bakarraren egilea Javier Ontiveros izan da. Hala, 66. minutuan, Fernando Pachecok ezin izan du ezer egin aurrelari andaluziarraren jaurtiketa bikaina sare barrura ez sartzea ekiditeko.
Gola jaso ostean, Gasteizko taldeak sakatu egin du berdinketaren bila, baina ezin izan du etxekoen atea zulatu. Horrenbestez, aragoiarrak salbaziotik bi puntura geratu dira, eta Machinen mutilak, berriz, hamalaugarren postuan daude.

Fitxa teknikoa:

1 - Huesca: Alvaro Fernández; Maffeo, Pulido, Siovas, Javi Galán; Mikel Rico (Insua, 88. min), Mosquera, Borja García; Ferreiro (Juan Carlos, 88. min), Okazaki (Rafa Mir, 86. min) eta Ontiveros (Doumbia, 81. min).

0 - Alavés: Pacheco; Ximo Navarro (Aguirregabiria, 46. min), Laguardia (Tachi, 14. min), Ely, Duarte (Javi López, 75. min); Edgar (Borja Sáinz, 75. min), Jota Peleteiro, Tomás Pina, Rioja (Deyverson, 87. min); Joselu eta Lucas Pérez.

Gola: 1-0, 66. min: Ontiveros.

Epailea: Melero López. Txartel horiak: Miguel Angel Sánchez "Míchel" eta Ontiveros (Huesca); Duarte, Jota Peleteiro, Joselu eta Tachi (Alaves).

  • Bisitatuena

      Kargatzen ikusiena
      Kargatzen ikusiena