Itxi

2018/06/26

23:07

Munduko Txapelketa

D MULTZOA | 3. JARDUNALDIA

Kroaziak hiru garaipenekin egin du aurrera; Islandiak, aldiz, agur esan du (1-2)

AGENTZIAK | ERREDAKZIOA

Kroaziarrek Danimarka izango dute arerio igandean jokatuko duten final-zortzirenetako kanporaketan.

  • Badeljen golak aurreratu du Kroazia. Argazkia: EFE

    Badeljen golak aurreratu du Kroazia. Argazkia: EFE

  • Whatsapp
  • Whatsapp
  • Telegram
  • Bidali

D Multzoan jaun eta jabe izan eta gero sailkatu da Munduko Txapelketako final-zortzirenetara Kroaziako selekzioa; izan ere, beste garaipen bat (hirutik hiru) lortu du astearte honetan (1-2), nahiz eta ohikoak ez diren jokalari ugari zelairatu dituen Islandiaren aurka.

Dena den, islandiarrak ere lehia irabazteko moduan izan dira, baina azkenerako amore eman behar izan dute 90. minutuan Ivan Perisicek sartu duen golaren aurrean.

Horrenbestez, Islandia kalean geratu da, eta, aldiz, Kroaziak Danimarka izango du gainditu beharreko hurrengo arerioa. Igandean jokatuko du kanporaketa hori, 20:00etan.

Multzoko beste neurketan, Argentinak irabazi egin dio Nigeriari (1-2), eta aurrera egin du bigarren postua lortuta.

Fitxa teknikoa:

Islandia 1: Halldorsson, Saevarsson, Ingason, Ragnar Sigurdsson (Sigurdarson, 70. min), Magnusson; Gunnarsson, Hallfredsson; Johann Gudmundsson, Gylfi Sigurdsson, Bjarnason (Traustason, 90. min); eta Finnbogason (Albert Gudmundsson, 85. min).

Hautatzailea: Heimer Hallgrimsson

Kroazia 2: Lovre Kalinic, Jedvaj, Corluka, Caleta-Car, Pivaric; Pjaca (Lovren, 70. min), Modric (Bradaric, 65. min), Badelj, Kovacic (Rakitic, 81. min), Perisic; eta Kramaric.

Hautatzailea: Zlatko Dalic

Golak: 0-1, 53. min: Badelj. 1-1, 76. min: Gylfi Sigurdsson. 1-2, 90. min: Perisic.

Epailea: Mateu Lahoz (Espainia). Txartel horiak: Pjaca eta Jedvaj (Kroazia); Hallfredsson, Finnbogason eta Saevarsson (Islandia).

 

  • Bisitatuena

      Kargatzen ikusiena
      Kargatzen ikusiena
    ;