Publizitatea
Itxi

2020/11/16

14:40

Futbola

20:45EAN

Euskal Selekzioarekin hitzordua, Ipuruan

AGENTZIAK | ERREDAKZIOA

Javier Clementeren gizonek talde garrantzitsua izango dute aurrean; norgehiagoka ETB1en eta eitb.eus-en izango da ikusgai, zuzenean.

  • Euskal Selekzioa

    Euskal Selekzioa.

  • Whatsapp
  • Whatsapp
  • Telegram
  • Bidali

Euskal Selekzioa bueltan da. Javier Clementeren taldeak FIFAko datetan jokatuko du berriro, urtebete eta erdi geldirik egon ostean. Eibarren zelaian egingo du, aurkari indartsu baten kontra: Costa Rica, Keylor Navas Real Madrileko atezain ohiaren selekzioa.

Mundialetan bost aldiz parte hartu du Costa Ricak eta orain arteko kaltea ordaintzeko gogoarekin iritsiko da Ipuruara, azken hiru partidetan ez baitu irabazterik lortu; Panamaren aurka urrian jokatu zituen bi partidetan galdu egin zuen eta aste honetan Catarren kontra berdindu egin du.

Clementek ez du erraza izango, Zubeldia eta Zaldua Realeko jokalarien azken orduko bajak ez betetzea erabaki duelako. Gauza bera Athleticeko Dani Garciarekin, positibo eman duen Jokin Ezkieta atezainarekin gertuko harremana izan ondoren, etxean konfinatuta dagoelako.

Norgehiagoka ETB1en eta eitb.eus-en izango da ikusgai gaur, zuzenean, 20:45etik aurrera. Ez galdu!

Ustezko hamaikakoak:

Euskadi: Herrerin, Arbilla, Yeray, Aguirregabiria, Berchiche, Guevara, Sanjurjo, Garcia, Muniain, Bautista eta Iñaki Williams.

Costa Rica: Keylor Navas, Gamboa, Duarte, Waston, Calvo, Borges, Guzman, Venegas, Campbell, Lassiter eta Brown Forbes.

Futbol-zelaia: Ipurua.

Ordua: 20:45.

  • Bisitatuena

      Kargatzen ikusiena
      Kargatzen ikusiena
    ;