Frantziako Tourra 2023
UZTAILAK 20, ASTEAZKENA
2022ko Frantziako Tourreko 17. etaparen profila eta ibilbidea: Saint-Gaundes – Peyragudes (129,7 km)
EITB MEDIA
Erronka gogorra izango da sailkapeneko goiko postuetan jarraitzeko. Azken txanpan, eskalatzaileek euren balioa erakusteko aukera izango dute.
-
2022ko Frantziako Tourreko 17. etaparen profila. Argazkia: Frantziako Tourra
Pirinioetan barrena jarraituz, uztailaren 20ko hamazazpigarren etapa erronka gogorra izango da sailkapeneko goiko postuetan jarraitzeko. Azken txanpan, eskalatzaileek euren balioa erakusteko aukera izango dute.
Saint-Gaundesetik irtengo dira eta 129,7 kilometroko etapa laburra izango dute Peyragudeseraino. Ibilbide zorrotza, ez hainbeste distantziagatik, baina bai bidean aurkituko dituzten lau mendateengatik: lehen mailako hiru eta bigarren mailako bat: Col D'Aspin (1. mailakoa, 12 km eta % 6,5eko batez besteko maldak), Hourquette D'Ancizan (2. mailakoa, 8,2 km eta % 5,1eko batez besteko maldak), Col de Val Louron-Azet (1. mailakoa, 10,7 km eta % 6,8ko batez besteko maldak) eta Peyragudes (1. mailakoa, 8,9 km eta % 7,8ko batez besteko maldak).
Lasterketa zuzen-zuzenean ikusi ahalko da EITBn, honako ordutegi hauetan: eitb.eus-en eta ETB4n 14:40tik aurrera egongo da etapa ikusteko aukera. Ondoren, telebistako seinalea ETB1era aldatuko da 15:00etatik etapa amaitu arte.
Ikusi 16. etaparen profila | Ikusi 18. etaparen profila
ETAPAREN PROFILA:
2022ko Frantziako Tourreko 17. etaparen profila. Argazkia: Frantziako Tourra
FITXA TEKNIKOA:
Etapa: 17. etapa (uztailak 20)
Ibilbidea: Saint-Gaudens - Peyragudes
Distantzia: 129,7 km
Hasiera-ordua: 13:25.
Amaiera-ordua: 16:50 (38 km/h) | 17:01 (36 km/h) | 17:14 (34 km/h).
Mendiko saria: Col D'Aspin (1. mailakoa), 65,7. kilometroan; Hourquette D'Ancizan (2. mailakoa), 81,6. kilometroan; Col de Val Louron-Azet (1. mailakoa), 109,5. kilometroan; Peyragudes (1. mailakoa), 129,7. kilometroa.
