Aizkolariak

Karmele Gisasola "Zelai III" herri-kirolariarekin ikasten izan da Armintz Gorrotxategi Mallabian. Txikitan aitzurrarekin oina moztu zuela aitortu du gozogileak, eta badirudi nagusitan ere aizkolari lanetan ez dela oso ongi moldatuko. Giza-probetan ere saiatu da 250 kiloko harriarekin.

Nerea Arrutik, Hodei Ezpeletak, Maddi Gesalagak eta Gari Garmendiak osatutako taldeak 8 puntu eskuratu ditu "Kirol Herri"ren lehen jardunaldian.

Iker Vicentek hamaikagarrenez irabazi du Nafarroako Aizkolari Txapelketa. Donezteben jokatu den finalean aise nagusituta, Mindegiaren marka ondu du Otsagabikoak.

Nerea Sorondo aizkolariak ez zuen bere burua faboritotzat ikusten, sorpresa izan Euskal Herriko txapelketa laugarrenez irabaztea. Dioenez, presiorik gabe joatea eta bere lanean zentratzea izan dira gakoak. Azaldu du gazteekin alderatuta erritmo motelagoa duela berak.

Iker Vicentek Euskal Herriko Aizkolari Txapelketa irabazi zuen atzo, azaroaren 10ean. Otsagabiarra EiTBn izan da, azken garaipen horren inguruan hitz egiten.

Iker Vicente aizkolaria "Biba Zuek!" saioan izan da, Euskal Herriko Aizkolari Txapelketa laugarrenez irabazi berritan. Dioenez, azken entrenamenduetan oso ongi moldatu zen eta ikusten zituen irabazteko moduan zegoela. Oso pozik dago egindako lanaz, eta bukaeran gozatzea lortu zuen.

Iker Vicentek aurreikuspen guzti-guztiak bete ditu. Otsagabiko aizkolariak Euskal Herriko txapelketa irabazi du, erabateko nagusitasunez. Laugarren txapela da nafarrarentzat.

Patxi Astibia eta Joxe Mari Olasagasti aizkolari ohiak omendu dituzte Euskal Herriko gizonezkoen lehen mailako aizkolari txapelketan, Azkoitian. 

Azkoitiko Gurea pilotalekuak egungo sei aizkolari onenak batuko ditu igandean, gizonezkoen Euskal Herriko Aizkolari txapelketan. Iker Vicente iazko txapeldun eta aurtengo faboritoa tartean dela, gainerako aizkolariek Otsagabikoa garaitzea izango dute helburu.

Iker Vicente, Julen Alberdi 'Txikia IV', Mikel Larrañaga, Julen Gabirondo, Hodei Ezpeleta eta Xabier Zaldua arituko dira nor baino nor gehiago, igandean, Euskal Herriko Aizkolarien Txapelketako gizonezkoen finalean.

Aizkolari nafarrak asteburuan Elgoibarren lortutakoaren inguruan hausnartu du elkarrizketa honetan. Onartu du ez zuela espero, eta oso pozik dagoela aitortu.

Sei aizkolari aritu dira lehian, eta Nerea Sorondok bere laugarren txapela eskuratu du. 36 ontzako bi enbor, 45eko beste bi eta bi kanaerdiko moztu behar zituzten, eta beratarra izan da azkarrena. 20 minutu eta 16 segundo behar izan ditu lanak amaitzeko.

Larunbatean lehiatuko dira Nerea Arruti, Nerea Sorondo, Laiene Pikabea, Uxue Ansorregi, Irati Astondoa eta Karmele Gisasola.

Dema Tolosako edo Azpeitiako zezen-plazan izango da, eta bakoitzak 6.000 euro jarriko ditu jokoan. Vicentek bi kana-erdiko abantaila emango dio Otañori.

Iker Vicente aizkolariak desafioa bota du, hartu nahi duenarentzat. Asteazkenean Tolosako Cantabrico tabernan izango da, aurkaririk prest balego, apustuaren nondik norakoak ixteko.

Boisen (AEB) erakustaldi batzuk eman ondoren, Otsagabiko aizkolariak Ramon Latasa Memoriala irabazi zuen Sunbillan, eta orain astebete Urrezko Kopa eskuratu zuen Donostian, bosgarren aldiz.

Otsagabiko aizkolariak Txikia IV.a, Mikel Larrañaga, Hodei Ezpeleta eta Joxean Etxeberria garaitu ditu ostiral honetan Donostiako Trinitate Plazan.

Iturengo harri-jasotzaileak eta aizkolari azkoitiarrak, Paulo Azpiazurekin eta Oihana Fernandez de Barrenarekin batera, garaipen bikaina eskuratu dute, Zumaian, asteazkenean, txapelketako final handian.

Zumaian jokatutako final handian, Gesalaga, Telleria, Larrañaga eta Arruti menderatu dituzte. Proba konbinatua izan da erabakigarria; B taldeak eskuratu du hori, talde gorriak, segundo erdiko aldeaz.

Asteazkenean, hilaren 16an, "Kirol Herri" saioaren final handia jokatuko dute, eta eitb.eus-en eta ETB1en izango da ikusgai, 22:20tik aurrera. Horren harira, asteartean, Ane Muruamendiarazek Maddi Gesalaga harri-jasotzailea elkarrizketatu du, "Kirolak" saioan.

Araban federatuta dagoen emakume aizkolari bakarra da Oihana Fernandez de Barrena. Beste neska batzuk animatu ditu, baina aitortzen du zaila dela aizkolaritza. Dioenez, hasi zenean gehiago disfrutatzen zuen bere buruari ez ziolako presiorik sartzen. Txapelketetan gaizki pasatzen du.

Iker Vicente, Zumeta eta Garmendia menderatu dituzte larunbatean jokatu den bigarren finalerdian. Uztailaren 16ko finalean, Beñat Telleria, Maddi Gesalaga eta Mikel Garmendia izango dituzte aurkari.

Lehen finalerdian, Maddi Gesalagak, Beñat Telleriak eta Mikel Larrañagak osatutako taldeak Lierni Osa, Mikel Lopetegi eta Hodei Ezpeleta hartu dituzte mendean. Larunbatean Aian jokatuko den lehiatik aterako da uztailaren 16ko finalerako bigarren hirukote finalista.

Herri kirolek garai berri bati emango diote hasiera. Harri-jasotzea eta aizkolaritza uztartuko dira, liga formatuan eta talde mistoekin. Lehen hiru jardunaldiak uda honetan jokatuko dira.

Euskal Duatloian nagusi izan zen joan den asteburuan Julen Alberdi aizkolaria. Emaitzarekin pozik, hemendik aurrera zer-nolako helburuak dituen azaldu du elkarrizketa honetan.

eitb.eus-en eta ETB4n izango da ikusgai, zuzenean, 18:00etatik aurrera. Bi orduko ikuskizuna izango da, eta 50 bat lagunek hartuko dute parte bertan.

Iker Vicentek eta Eneko Saralegik irabazi dute Urrezko Aizkolarien binakako txapelketa. Azpeitiko Izarraitz pilotalekuan jokatu den final handian, lehengusu nafarrek beste bi bikoteek baino denbora hobea egin dute, eta 25. edizioko txapela etxera eraman dute.

Azpeitian jokatuko dute, Izarraitz pilotalekuan, eta EITBn izango da ikusgai, zuzenean, 11:45etik. Jaialdian, Urrezko Harri-jasotzaile Txapelketa ere izango da jokoan; asteazkenean aurkeztu dute dena.

Joxean Etxeberriak bere hirugarren aizkora apustua irabazi zuen Jokin Urretabizkaiaren kontra. Doneztebeko pilotalekuan egin zuten erronka eta 8.000 euro eraman zituen irabazleak. Irabaztea nolakoa izan zen azaldu digu.

Etxeberriak irabazi du Basozabalen kontra Donezteben jokatu duen aizkora apustua. Nafarrak gipuzkoarrak baino 5 minutu eta 6 segundo gutxiago behar izan ditu 12 kana-erdiko eta 60 ontzako 6 egurrak mozteko.

Larunbatean, martxoak 8, Doneztebeko pilotalekuan, Jokin Urretabizkaia Basozabalek eta Joxean Etxeberriak aizkolapustua jokatuko dute. Etxeberriak nola sentitzen den kontatu digu elkarrizketa honetan.

Larunbat honetan egina dute hitzordua Joxean Etxeberriak eta Julen Urretabizkaia "Basozabal" azikolariek, aizkora apusturako, Donezteben. Basozabalek nola sentitzen den kontatu digu elkarrizketa honetan.

Finalak Asteasun jokatu zituzten, asteartean. Aizkolari Gazteen Binakakoan, Igoin Pikabea eta Beñat Senosiain nagusitu ziren; harri-jasotzean, binaka, Xabier Aranburu "Guzta" eta Paulo Azpiazu eta Lierni Osa eta Maddi Gesalaga irten ziren garaile.

Iker Vicente, Goiuri Zabaleta, Paulo Azpiazu, Ainitze Zumeta, Aritz Erkiaga, Ion Ibarluzea, Andrea Astudillo, Gorka Aranberri, Nerea Arruti, Jokin Altuna eta Usoa Ostoloza euskal kirolarien mezuak EITB Mediako ikusentzule eta erabiltzaile guztientzat, urte berri ona opatuz.

Erronka martxoaren amaieran gauzatuko litzateke, Azpeitian edo Tolosan, eta Latasak eta Chiquito de Arruizek 1962an egindako apustuaren antzekoa izango litzateke.

San Tomas egunez, Urrezko Kopa jokatu dute. Nerea Arruti, Karmele Gisasola, Malen Barrenetxea, Lucia Orbe eta Nerea Sorondo lehiatu dira bertan. 45 ontzako bost enborrak mozten azkarrena Nerea Sorondo izan da, 14 minutu eta 49 segundoko denbora eginda.

Urrezko Aizkolarien Kopako kanporaketak jokatu dira Mallabian. Maila nagusian, Txikia IV.ak (Julen Alberdi) lortu du finalerako txartela; emakumezkoen binakakoan, Karmele Gisasola eta Uxue Ansorregi nagusitu dira; eta gazteen mailan, berriz, Igoin Pikabea eta Beñat Senosiain.

Nerea Arrutik marka ezarri du aizkolaritzan. Euskadiko txapeldunak 108 ontzako enborra bota du Hernanin. Neurri horretako enbor bat ebaki duen aurreneko emakumea da.