Kontxako Bandera

ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".

Xubane Uribarrena eta Ane Sanchez Donostia Arraun Lagunak taldeko arraunlariak "Biba Zuek!" saioan izan dira Liga eta Kontxako Bandera irabazi berritan. Biek irabazi dituzte lau Kontxa, eta bosgarrenaren bila doaz.

Bere 10. Kontxako Bandera irabazita errekorra hautsi berritan, Gorka Aranberri Orioko patroiarekin izan gara. Ligan 14 bandera irabazi dituzte, eta, dioenez, entrenatzaileak errekorra hautsi nahi du Bermeon. Azaldu du nola konbentzitu zuen Benito Lertxundi balkoira igotzeko.

Klubeko zuzendaritzak bigarren urtea du karguan, eta arraun elkarte osoaren maila igotzea dute jarraitu beharreko norabidetzat, Orioko presidenteak azaldu duenez.

Kontxako laugarren bandera irabazi ondoren Arraun Lagunak pozik azaldu da biharamunean. "Pixka bat nekagarria izan da erabat, itsasoa, itsasoa entzutea; guk itsasoan arraunean ez bagenuke jakingo bezala", aurpegiratu du agintariak.

Oriok 33. Kontxako Bandera eskuratu du, eta zaleek ez dute aukera galdu merezi bezala ospatzeko.

Arraun Lagunakek laugarrenez altxatu du Kontxako Bandera, eta, Euskotren Liga irabazi ostean, denboraldia borobildu du. Zaleekin ospatu dute garaipena.

Aurretik, Orioko arraunlariak elkarrekin dantzan ikusi ahal izan ditugu; Gorka Aranberri patroiak sari bat jaso du, eta, segituan, Eneko Goia Donostiako alkateak emandako bandera astindu du, pozarren. 

2025eko Kontxako Banderaren bigarren jardunaldiak, Arraun Lagunaken eta Orioren garaipenak alde batera utzita, gogoan izateko zenbait irudi ikusgarri ere ekarri ditu; EITBk bideo honetan jaso ditu.

Iker Zabalaren gizonek erabateko nagusitasuna erakutsita eskuratu dute Kotxako Bandera. Aurten Eusko Label Liga irabazi ondoren, 33. aldiz irabazi du Kontxako Bandera Oriok.

Juan Mari Etxaberen taldeak ez die inolako aukerari eman aurkariei. Hasi eta segituan atera die traineru bateko aldea Tolosaldeari eta Oriori, eta, azkenean, bi jardunaldiak zenbatuta, 17 segundoko abantailarekin eskuratu du 2025eko Kontxako Bandera. 

Orioko patroiak Kontxako hamargarren bandera eskuratu du igande honetan. "Hamargarren bandera beretzat doa, Joxe Marirentzat", adierazi du Aranberrik erabat hunkituta.

Iparraldeko bi ordezkari izan ditu ontzian aurten Arraun Lagunakek. "Joanarekin Kontxako Bandera irabaztea oso berezia da", adierazi du Maider Bereau arraunlariak; izan ere, Joana Halsouet da Kontxako Bandera irabazi duen Iparraldeko lehen patroia. 

Donostia Arraun Lagunakek nagusitasun handiz irabazi du Kontxako Bandera laugarrenez, hirugarren urtez jarraian. Denboraldiari bukaera ezin hobea eman diote, Euskotren Liga ere aise bereganatu baitute. "Gaur, beti izan dudan ametsa bete dut", adierazi du Jule Arkotxa arraunlari lekeitiarrak.

Lehenengo jardunaldian bezala, Arraun Lagunak oso nagusi izan da bigarrenean ere, eta laugarrenez irabazi dute Kontxako Bandera, hirugarrena jarraian.

Zazpi traineruk azken entrenamendua egin dute Donostiako uretan, Kontxako jardunaldi erabakigarriaren bezperan. Gizonezkoetan, Orio, Bermeo, Donostiarra, Getaria eta Lekittarra izan dira; eta emakumezkoetan, berriz, Arraun Lagunak eta Donostiarra.

Bermeok sei segundoko desabantailarekin ekingo dio Kontxako Banderaren bigarren jardunaldiari. Bizkaiko ontziak azken hiru urteetako edizioak irabazi ditu, eta arraunlariek sentsazio onak dituzte igandera begira. 

Orioko entrenatzailea baikor agertu da igandean jokatuko den Kontxako Banderako bigarren jardunaldiari begira. Lehenengotik, Zierbenak 10 ehuneneko aldea du gipuzkoarrekin. 

Oriori jarritako zigorra tarteko, Zierbenak hamar ehunen ateratzen dizkiola hasiko du Igandeko erronka. Dani Perez entrenatzailearekin egon gara, eta historiako lehenengo Kontxa lortzeko ahal duten guztia egingio dutela adierazi digu.

Arraun Lagunakek ia 11 segundoko aldea ateratzen die oriotarrei, baina bi metroko olatuak espero dira datorren iganderako, eta itxaropentsu dira.

Kontxako igande erabakigarriaren inguruko hausnarketa egin dugu Ramon Erostarbe Tolosaldeako entrenatzailearekin. Hamar segundu atera zizkien Arraun Lagunakek lehen jardunaldian eta horren inguruan ere aritu da.

Igandean Oriok jasotako zigorraren harira, Donostia Festak Kontxako Banderaren erakunde antolatzailearen zuzendariak, Mariaje Torresek, argitu du ez Oriok ez beste inork ez duela isun ekonomikorik jaso.

Kontxako estropaden lehen asteburuaren biharamunean, Jose Luis Kortak haren iruzkina egin du. Bestalde, aitortu du arraunean gozatu duela gehien, arraunlaria baitzen. Haren ustez, arraunlaritza asko aldatu da, baina txarrera egin duela iritzi dio. Uda honetako pasadizo bat kontatu du.

Lorea Etxabe Arraun Lagunak taldeko arraunlariak Kontxako Banderaren gainean hitz egin du, irabazteko duten gosea azpimarratuta. Lehen jardunaldian, Tolosaldeari 10 segundoko errenta atera zion.

Zierbenak egin du denborarik onena Kontxako Banderaren lehen jardunaldian, Oriok baino 10 ehunen gutxiago, epaileek Gipuzkoako ontziari jarritako hiru segundoko zigorra kontuan izanda.

Orio izan da azkarrena uretan, baina hiru segundoko zigorra jarri diote epaileek, estropada hastear zegoela euren zodiaca behar ez zen tokian zegoelako, eta, ondorioz, Zierbena gailendu da lehen jardunaldian, 10 ehunenengatik izan bada ere.

Iker Zabala Orioko entrenatzailea oso minduta agertu da Kontxako Banderaren estropadaren amaieran. Horren ustez, epaileek Oriori ezarritako 3 segundoko zigorra "onartezina" da.

Arraun Lagunak, Kontxako Banderaren egungo txapelduna, 2024ko eta 2023ko lorpena errepikatzeko bidean da, Tolosaldea (bigarren) eta Orio (hirugarren) 10 segundoko desabantailarekin abiatuko baitira datorren igandeko bigarren jardunaldi erabakigarrian.

Oriori hiru segundoko zigorra jarri diote epaileek, estropada hastear zegoela euren zodiaca behar ez zen tokian zegoelako, eta, ondorioz, Zierbena gailendu da lehen jardunaldian, 10 ehunenengatik izan bada ere.

Joseba Fernandez San Juan traineruko entrenatzaile eta arraunlaria oso haserre agertu da epaile eta antolatzaileekin Kontxako Banderaren lehen jardunaldiaren ostean. Traineruekiko oso jarrera zorrotza izatea egotzi die.

Epaileek hiru segundoko zigorra ezarri diote Orioko traineruari euren taldeko bi zodiac zero kalean sartuta zeudelako Kotxako Banderako gizonezkoen 1. txandari hasiera ematear zeudenean.

Donostia Arraun Lagunakek indar erakustaldia egin du Kontxako Banderaren lehen jardunaldian, eta Tolosaldeari nahiz Oriori 10 segundoko tartea atera die datorren igandeko lehia erabakigarriari begira. Joana Halsouet patroia gustura agertu da bere traineruak egindako lanarekin.