Jendea -
300.000 bilaketa gehiago
Sara Carbonero Belen Estebanen gainetik Googlen
Emaitza erabatekoa da: 956-281. Belen Estebanek argazkien atalean bakarrik gainditu du Carboneroren marka, baina gutxigatik. Izan ere, kazetariak 62.500 emaitza eta Estebanek 56.400 lortu dituzte.
A.A.
Ezinezkoa zela zirudien baina Belen Estebanek lehiakide berria du Goolen. Sara Carbonerok telebistako pertsonaiari abantaila ederra atera dio eta horrek "Googleko Erregina" egin du. Izan ere, San Blasekoak 596.000 emaitza lortu dituen bitartean, bilatzaileak 891.000 emaitza ematen ditu erabiltzaileak Sara Carbonero jartzen badu.
Kazetariaren edertasuna ikusgarria den arren, argazkien atalean Belen Estebanek irabazi du. Hala ere, diferentzia txikia da, 62.500 Estebanentzat eta 56.400, Carbonerorentzat. Hala eta guztiz ere, Sara Carbonero zelaira ateratzen denean argazkilarien artean eragiten duen iraultza ikusi ostean, ez da harritzekoa izango egun gutxitan marka hori ere hausten badu.
Argi dago egun hauetan Carbonero komunikabide guztietan albiste izaten ari dela eta Espainiak Suitzaren aurka jokatu ostean bere bikotekidea den Iker Casillas elkarrizketatu zuenetik mundu osoan ospetsu egin da. Baina badirudi kazetariari bost axola zaizkiola bere harreman sentimentalari edo profesionaltasunari buruz esan diren kritikak.