Krisi Ekonomikoa -
2013ko Aurrekontuak
Urkulluk Patxi Lopezen soldata bera izango du: 97.500 euro urtean
Sailburuek 87.000 euroko soldata izango dute, eta erakunde eta elkarte publikoetako zuzendarien soldatak ez dira handituko.
Erredakzioa
Iñigo Urkullu lehendakariak 6.965,63 euro gordin irabaziko ditu hilean, urtean 97.518,85 euro (Patxi Lopezek bezalaxe), Eusko Jaurlaritzak Legebiltzarrera igorri duen 2013ko Aurrekontuen proiektuan agertzen denez.
Sailburuek 6.309,29 euro gordin irabaziko dituzte hilean, 86.930,04 euro urtean; eta sailburuordeek, 5.619,56 euro hilean, eta 78.673,83 euro urtean.
Zuzendarien soldata 4.791,93 eurokoa izango da hilean, eta 14 soldata izango dituztenez (gainerako guztiek bezala), 67.087,03 euro irabaziko dituzte urtean.
Erakunde eta elkarte publikoetako zuzendaritzako kideen soldatak ere ez dira handituko. Gainera, zuzendari horiek sailburuek irabazten dutena irabazi ahal izango dute gehienez.
