Krisi Ekonomikoa -
Eurostat-en datuak
Langabezia berdin mantendu da eurogunean eta behera egin du EBn
Espainian, langabezia tasa hamarren bat jaitsi zen aurreko hilabetearekin alderatuta, % 26,3an kokatuta, EBn langabezia mailarik handiena duen bigarren herrialdea da.
Erredakzioa
Eurogunean egonkor mantendu da langabezia tasa (% 12,1) ekainean, eta Europar Batasunean (EB) hamarren bat egin du behera, % 10,9an kokatuta, Eurostatek gaur, osteguna, zabaldu dituen datuen arabera.
Espainian ere behera egin du langabeziak hamarren bat, aurreko hilabetearekin (ekainarekin) alderatuta eta % 26,3an kokatu da, Greziaren ostean (% 26,9) tasarik handiena Europako estatu kideen artean.
2012ko ekainean, euroguneko langabezia tasa % 11,4koa izan zen, % 10,5ekoa EBn eta % 25,1ekoa Espainian. Hilabete horretan 26,4 milioi langabe inguru zegoen EBn, horeietatik 19,2 milioi euroguneko herrialdeetakoak ziren.
Datuak zabaldu dituzten gainerako herrialdeen artean, langabezia tasarik txikiena duten herrialdeak Austria (% 4,6), Alemania (% 5,4) eta Luxemburgo (% 5,7) dira.
2012ko ekainarekin alderatuta, langabe kopurua anditu zen 1,08 milioi pertsona gehiagorekin EBn eta 1,12 milioi pertsona gehiagorekin eurogunean.
Azken 12 hilabete hauetan, langabeziak gora egin zuen 17 estatutan eta behera beste 10etan.
