Krisi Ekonomikoa -
9 hilabeteren ostean
Irungo eta Urnietako IAT zerbitzuak, martxan
Enpresa eta langileak akordio batera iritsi ziren aurreko astean, eta bederatzi hilabeteko greba amaitu da horrela.
Erredakzioa
Bederatzi hilabeteko grebaren ostean, gaur lanera itzuliko dira Irungo eta Urnietako Ibilgailuen Azterketa Teknikoa (IAT) egiteko zentroetako langileak.
Joan den ostiralean langileek akordioa izenpetu zuten zuzendaritzarekin, eta, beraz, gaur goizeko zazpi eta erdietatik aurrera zabalik izango dira berriro Irungo eta Urnietako egoitzak ibilgailuen azterketa teknikoak egin ahal izateko.
Lortutako akordioarekin gustura agertu dira langileak, euren eskakizunak 'ehuneko ehunean' bete direlakoan. Soldatak kontsumorako prezioaren indizea (KPI) beste igotzeko ados jarri dira bi aldeak, eta erabiltzaileei kobratzen zaizkien tarifak ez igotzea ere adostu dute. 2016. urtera arte lan-ituna lan-erreformaren aurrean blindatzea lortu dutela gaineratu dute langileek.
