Krisi Ekonomikoa -
Lan gatazka
2016ra arteko lan-hitzarmena adostu dute Tubacexen
Sindikatuek eta zuzendaritzak egindako akordioak langileen oniritzia behar du ofizialki indarrean sartzeko.
Erredakzioa
Tubacexen zuzendaritzak eta LAB, CCOO, ELA eta UGT sindikatuek akordioa egin dute 2013-2016 eperako lan hitzarmenaren inguruan, Laudion eta Amurrion (Araba), enpresak jakitera eman duenez.
Gaur hitzartutako lan-hitzarmenak langileen oniritzia jaso behar du indarrean jartzeko, eta lanpostu finkoak sortzea, errelebo kontratuak eta soldaten erosteko ahalmenari eustea aurreikusten du.
Izan ere, KPIren pareko igoerak aurreikusten ditu 2013rako, 2014rako eta 2015erako, eta KPI + %0,5eko igoera 2016rako, enpresako iturriek zehaztu dutenez.
Tubacexek prentsa-agiri batean azpimarratu duenez, akordioa egiteko, enpresak 2016rako Laudioko eta Amurrioko lantegietan 25 milioi euroko inbertsioa egiteko konpromisoa hartu du.
