Krisi Ekonomikoa -
Euskal Autonomia Erkidegoan
Gora egin du Fogasako laguntzak jaso dituzten langileen kopuruak EAEn
25.281 beharginek jaso zuten iaz laguntza Euskadin. Soldatak eta kalte-ordainak ordaintzeko bideratutako diru kopurua, berriz, ia erdira jaitsi da 2013an 2012arekin alderatuta (% 52,8 gutxiago).
Erredakzioa
Euskal Autonomia Erkidegoko 25.281 langilek jaso zituzten iaz Soldatak Bermatzeko Funtseko (Fogasa) laguntzak. Porrot egoeran edo akziodunen konkurtsoan dauden enpresetako langileen soldatak eta kalte-ordainak bermatzen dituen erakundea da funts hori. Iaz aurreko urtean baino % 15,6 langilek gehiagok jaso zuen laguntzaren bat.
Soldatak eta kalte-ordainak ordaintzeko bideratutako diru kopurua, berriz, jaitsi egin da 2013an. Orotara, Fogasak 122,4 milioi bideratu zituen EAEn iaz, 2012an baino % 52,8 gutxiago, Enplegu eta Gizarte Segurantzako Ministerioak zabaldutako datuen arabera.
Laguntzen zenbatekoak lotura zuzena dauka krisialdi ekonomikoarekin: 2011, 2012 eta 2013 urteetan 120 milioi eurotik gora bideratu ditu Fogasak EAEn; 2009 eta 2010 urteetan, 90 milioi inguru eman zituen; 2007eta 2008an, 40 milioi ; eta urtebete lehenago, 2006an, 20 milioi euro baino ez zituen bideratu EAEn.
6.429 enpresaren eskakizunak jaso zituen Fogasak 2013an EAEn, aurreko urtean baino % 16.9 gutxiago (8.000 izan ziren). Krisia hasi baino lehen, 2006an eta 2007an, 2.000 enpresak baino gutxiagok eskatu zuten laguntza.
