Krisi Ekonomikoa -
Hezkuntza arloko murrizketak
Estatuko unibertsitateek bat egin dute murrizketen aurka
Errektoreek adierazpen bateratu bat adostu dute, hezkuntzaren arloko murrizketak salatzeko.
Erredakzioa
Espainiako Errektoreen Konferentziako Asanblea Nagusiak (CRUE) adierazpen bat onartu du hezkuntzaren sektoreko murrizketen aurka, eta Estatuko 75 unibertsitatetan (50 publiko eta 25 pribatu) irakurriko dute gaur.
Adierazpena Euskal Herriko Unibertsitateak (EHU) eta Nafarroako Unibertsitate Publikoak ere sinatu dute, eta "unibertsitateetako errektoreek salbuespen neurrien amaiera eskatu dute" du izenburu.
Adierazpena eguerdian irakurriko dute, baina CRUEk ez du zehaztu zein erkidegotan egingo dituzten ekitaldiak.
