Euroguneko inflazioak behera egin du maiatzean, % 0,5era iritsita

Euroguneko urtetik urterako inflazioa tasa % 0,5ekoa izan da maiatzean, apirilean baino bi hamarren txikiagoa, Eurostat Europar Batasuneko estatistika bulegoak gaur, astelehena, zabaldutako behin betiko datuen arabera. Horrela, egindako aurreikuspenak bete dira.

Maiatzekoa bi hamarren jaitsi da, apirilean izandakoarekin alderatuta, eta iazko maiatzekoa baino bederatzi hamarren txikiagoa da.

Tabakoak, jatetxeek eta kafetegiek eragin dute gehien urtetik urterako tasan (+0,008 puntu bakoitzak), baita elektrizitateak ere (+0,007).

Aldiz, gorakada horiek behera egin zuten arloek orekatu zituzten; esaterako, barazkiek (-0,13), telekomunikazioek (-0,11) eta frutek (-0,07) jaitsiarazi dute tasa.

Europar Batasuna bere osotasunean kontuan hartuta, maiatzeko inflazio tasak bi hamarren egin du behera, apirileko % 0,8tik % 0,6ra, eta horrek iaz izandako % 1,6tik are gehiago urruntzen du. Aurreko hilabetearekin alderatuta, prezioak hamarren bat jaitsi ziren.