Moneta-batasuna 'porrota' izan da, Kutxabankeko presidentearen ustez

Mario Fernandez Kutxabankeko presidentearen ustez, Europako moneta-batasuna "porrota" izan da eta "doitze neurri latzen" politika "akats ikaragarria da".

Radio Euskadin egindako elkarrizketa batean esan duenez, "doitze-neurriez soilik osatutako politikek etengabeko atzeraldira garamatzate" eta "formula hori erabiliz ez dago munduan krisitik atera den herrialderik", ekarri du gogora.

Horren iritziz, moneta-batasuna "porrota" izan da, batzordearen arteko harremana gobernuen artekoa bilakatu delako.

"Estatuetako Gobernuek erabakitzen dute, ez batzordeko erakundeek", gaineratu du.

"Europar Batasuneko eta moneta-batasuneko kide izateak, gustatzen ez zaizkigun gauzak onartzea" dakarrela esan du.

Halaber, beste eredu ekonomiko bat sortu ezean, "egun, bankuak beharrezko elementua" direla esan du.

Etxegabetzeen inguruan, Kutxabank jaio zenetik, zorra nola ordaindu adosteko entitateak 5.100 akordio lortu dituela esan du.

Hala ere, "hipoteken konpromisoak bete" egin behar direla azpimarratu du, "gizartearen elkarbizitzaren oinarrizko araua delako".