Ekonomia -
Lan hitzarmenak
Enpresek 'jokabide basatiak' dituztela salatu du ELAk
Sindikatuaren arabera, patronala lan erreforma ezartzen ari da, eta langileen lan baldintzak "okertzen" ditu.
Erredakzioa
Adolfo "Txiki" Muñoz ELAko idazkari nagusiak salatu duenez, "Euskadiko patronala jokabide basatia hartzen ari da", eta lan baldintzak okertu ditu, Euskadiko lan-hitzarmen ugari bertan behera geratu ostean.
Radio Euskadin egindako elkarrizketa batean, Muñozek Miguel Angel Lujua Confebaskeko presidenteak esandakoa ukatu du. Enpresariaren arabera, enpresek lan baldintzetan egiten dituzten murrizketak "kasu puntualak" dira, "egoera txarrei aurre egiteko beharrezkoak direnak". Hala ere, baieztatu duenez, patronala "konprometituta dago", eta ziur dago "orokorrean, hori ez dela gertatuko".
ELAren datuen arabera, Euskadiko enpresek "lan erreforma aplikatzen ari direla frogatzeko probak daude", eta enpresariek jokabide "basatiak" hartu dituztela salatu dute.
Hori dela eta, Muñozek uste du "patronala deslegitimatu" behar dela, eta "esker politikoaren kontura bizitzea ohituta" dagoela salatu du. Bestalde, "diru publikoarekin aritzen den lobby finantzarioa balitz bezala" jokatzen duela eta "harrotuta" dagoela adierazi du, "badakielako" beste lan erreforma bat ezarriko dutela.
