Francok Ogasuna errugabetu du Kutxabanki 27 milioi itzuli beharretik

Helena Franco Gipuzkoako Ogasun diputatuak aurreko kudeatzaile guztiak errugabetu ditu astelehen honetan, Kutxak Repsolen zituen akzioengatik zerga-ordainketa eztabaida dela eta. Ogasunak ia 27 milioi euro itzuli beharko dizkio Kutxabanki.

Francok agerraldia egin du gaur, Gipuzkoako Batzar Nagusietako Ogasun Batzordean, Auzitegi Gorenak Gipuzkoako Ogasunak Kutxabanki kopuru hori itzuli beharko diola dioen epaiari buruz informazioa emateko.

Agerraldian, Larraitz Ugartek martxoaren 25ean egin zituen iradokizunak lurretik bota ditu. Hark 2001 urtean Gipuzkoako kudeatzen zuten EAJko buruzagien artean nolabaiteko erantzukizuna egoteko aukera iradoki zuen.

Ogasun sailburuak ez du argitu Aldundiak Konstituzionalaren epaiari helegitea aurkeztuko dion, eta gai hori argitzen ari dira zerbitzu juridikoak.

Gertaeren kontakizuna

Diputatuak kontatu duenez, 1997an, Kutxak, Caixa Catalunyak eta La Caixak Repinves elkartea sortu zuten, bertan erakunde bakoitzak Repsolen zituen akzioak gordetzeko, Francoren arabera, abantaila fiskal jakin batzuk lortzeko helburuz, era horretan konpainia energetikoaren tituluen % 5 baino gehiago lortuta.

Gipuzkoako Ogasunak 2006an, EAJ eta EAren gobernuen artean, elkarte horren jarduerak "legeari iruzur" egiten ziola erabaki zuen, ondorioz, Kutxak Repsolen zituen akzioen zerga-ordainketa berriro kalkulatu zuen, eta Gipuzkoako kutxari 21.480.000 milioi euro erreklamatu zizkion.

Kutxak 21 milioi sartu zituen, baina lehenik eta behin foru auzitegira joan zen, hark arrazoia eman zion Ogasunari, eta baita EAEko Justizia Auzitegi Gorenak ere geroago, Repinvesen eraketak "legeari iruzur" egiten ziola uste izanda.

Halere, martxoaren 6an, Auzitegi Gorenak Kutxaren helegitea aintzat hartu zuen, eta Gipuzkoako Ogasuna 21 miloi itzultzera behartu zuen, denboraren interesak barne, ondorioz, zenbatekoa 27 milioira hurbildu da.

Francok esan du aurreko inspekzioak generikoak izan zirela, eta Repinvesi buruzko adostasun zehatzari buruzko deklaraziorik egin ez zela.

Francoren hitzetan, Kutxari egindako ikuspenak orokorrak 2001 urtean 1997 eta 1998 urteei buruzko jardueren inguruan, 2006an bezala, Repinvesi buruz, lege iruzurra deklaratu zenean, "ohiko prozedurak" jarraitu zituen, esku-sartzerik gabe.