Ekonomia -

Lan-gatazka

Bost eguneko lanuzteak egingo dituzte azaroan eta abenduan Osakidetzan

Lan-baldintzak eta pazienteei eskainitako arretak "okerrera" egin dutela salatzeko deituko dituzte lanuzteak.

Osakidetzako langileek protesta ugari egin dituzte azken asteetan.
Osakidetzako langileen protesta
Osakidetzako langileek protesta ugari egin dituzte azken asteetan.

Erredakzioa

Whatsapp Facebook Twitter Telegram Email

Osakidetzako sindikatuek bost eguneko lanuzteak egingo dituzte azaroan eta abenduan, euskal osasun zentroetako lan-baldintzak eta pazienteei eskainitako arretak "okerrera" egin dutela salatzeko.

Sindikatuek asteak daramatzate protestan. Joan den asteburuan, esaterako, EAEko hiru ospitale nagusietatik manifestazio bana egin zuten, "Osasun Publikoaren defentsan" lelopean.

Sindikatuek salatu dutenez, Osakidetzako zuzendaritzak "ez du eduki jakin bat ere jarri negoziazio mahaian" eta, horren aurrean, Osakidetzan ordezkaritza duten sindikatuek (ELA, LAB, SME, FFHE, CCOO, UGT eta ESK) bost eguneko lanuzteak deituko dituzte azaroan eta abenduan.

Sindikatuok astelehenean erregistratuko dute lanuzteen deialdia Eusko Jaurlaritzako egoitzan.

Hau zure interesekoa bada, baliteke beste gai hauek ere izatea
Albisteak Osakidetza Eusko Langileen Alkartasuna albisteak Langile Abertzaleen Batzordeak EAE Gaixotasunak argazkiak Ekonomia albisteak Eguneko albisteak Gaurko azken orduko albistea Medikuntza albisteak Sindikatuak CCOO albisteak UGT albisteak ESK