Ekonomia -
Muskiz
Isuna Petronorri, isuri bati buruzko informazioa berandu emateagatik
Eusko Jaurlaritzak 20.001 euroko isuna jarri dio enpresa bizkaitarrari, koke hautsaren isuri baten inguruko informazioa epez kanpo bidaltzeagatik.
agentziak | erredakzioa
Eusko Jaurlaritzaren Ingurumen eta Lurralde Politika Sailak 20.001 euroko isuna jarri dio Petronorri, koke hautsaren isuri baten inguruko informazioa bidaltzeko epea urratzeagatik.
Enpresak azaldu duenez, 2014ko ekainaren 21ean gertatu zen isuria, eta gertakari horrengatik jarri dio isuna Eusko Jaurlaritzaren Ingurugiro eta Lurralde Politika Sailak.
Egun hartan koke hauts isuria izan zen Muskizeko San Julian auzoan, eta Jaurlaritzak informazio espedientea jarri zuen abian gertatutakoa ikertzeko.
Ingurugiro Sailak ebatzi du Petronorrek ez ziola idatziz informaziorik helarazi 48 orduko epean.
