3.011 hautagaik parte hartuko dute DBHko irakasle izateko oposizioetan

Guztira 3.011 hautagaik parte hartuko dute DBHko irakasle izateko oposizioetan. Eusko Jaurlaritzako Hezkuntza Sailak iragarri duenez, 577 lanpostu eskainiko dituzte eta lehenengo froga bihar bertan, hilak 18, egingo dute Barakaldoko BEC erakustazokan (Bizkaia).

Frogak bi atal izango ditu. Lehenengoari dagokionez, hautagaiek ikasitakoarekin zerikusia duen gai bat aukeratu beharko dute, horren inguruan dakiten guztia idatziz garatzeko. Hala ere, atal honekin hasi aurretik, zozketa bat egingo dute aukeratu ahal dituzten gaiak zeintzuk izango diren zehazteko.

Bigarren atala praktikoa izango da, eta hautagaien espezialitatearekin lotuta egongo da.

577 plaza horietatik, gehienak Euskara eta Euskal Literaturako irakasleei zuzenduta daude.