Ekonomia -
EAE-ko enpresak
Aernnova, NASAtik gertuago
Arabako konpainiak harremanak abiatu ditu AEBko espazio agentziarekin, elkarrekin kolaboratzea helburu.
AGENTZIAK | ERREDAKZIOA
Aernnova enpresa arabarrak harremanak abiatu ditu NASArekin, elkarrekin kolaboratzeko espazioak bilatzeko.
EAEko konpainiaren arduradunak AEBko espazio agentziako ordezkariekin bildu dira Washingtonen, Eusko Jaurlaritzak eta foru aldundiek sustatutako jardunaldi batean, Euskadi Smithsonian Folklife Festival kulturen jaialdian parte hartzen ari dela aprobetxatuta.
Aernnova hainbat enpresa estatubatuarren ordezkariekin izan da azken egunetan, NASA agentziakoekin, besteak beste. Bilera horretan, "sentsazio onak" izan dituzte, Juan Carlos Ortiz Aernnovako Negozio Garapen zuzendariak azaldu duenez.
Aernnova eta Egamaster konpainia arabarra AEBko industria aeroespazialen elkartearekin ere batzartuko dira egunotan.
Horren ildotik, Egamasterrek AEBko enpresa batekin milioi bat euroko akordioa sinatzea espero du.
Kopuru hori konpainiaren urteko fakturazioaren % 5 da.
