Ekonomia -
2019ko apiriletik aurrera
Ryanairrek Londreserako hegaldiak eskainiko ditu Bilboko Aireportutik
Aire-konpainiak 2013an utzi zion Loiuko Aireportutik hegaldiak eskaintzeari. 2019ko apirilean hasiko da berriz, Londres Southendera astean lau aldiz bidaiatuz.
Agentzia | Erredakzioa
Ryanair Bilboko Aireportutik hegaldiak eskaintzen hasiko da aurki, zehazki 2019ko apirilean. Aire-linea merkeak ohar batean iragarri duenez, lau hegaldi eskainiko ditu Loiutik Londresera, London Southend aireportura.
Iragarpena egitearekin batera, eskaintza berezia jakinarazi du Ryanairrek: txartelak 24,99 eurotik hasita. Hegaldiak ostiraleko gauerdira arte erreserbatu ahalko dira aire-linearen webgunean.
Londres Southend aireportua Essexeko konderrian dago, hiriburutik 68 kilometrora (45 minutuko bidaia trenez).
Aurretik ere eskainia du zerbitzua Bilbotik Ryanairrek. 2012-2013 urteetan Madril, Sevilla, Kanaria Handia eta Dusseldorfeko aireportuekin lotzen zuen Loiu, baia 2013an bertan behera utzi zuen eskaintza.
Alejandra Ruiz Ryanairrek Espainian duen salmenta zuzendariak nabarmendu duenez, "poz-pozik" daude Bilboko linea berri hau iragartzearekin.
