Ekonomia -

ELKARRIZKETA

Urtea amaitu aurretik Forondako aireportua 24 orduz zabalik egongo da

Jesus Loza Espainiako Gobernuaren EAEko ordezkariak eman du albistea. Bestalde, Abiadura Handiko Trenaren (AHT) Gasteizko sarbidea zehazteko bilera teknikoei irailean berrekingo diete.

Forondako aireportua. ETBren artxiboko bideo batetik ateratako pantaila-irudia.
Forondako aireportua. ETBren artxiboko bideo batetik ateratako pantaila-irudia.
Urtea amaitu aurretik Foronda 24 ordu zabalik egongo dela iragarri du Lozak

RADIO VITORIA | ERREDAKZIOA

Whatsapp Facebook Twitter Telegram Email

2018. urtea amaitu aurretik Forondako aireportua egun osoan, 24 orduz, irekita egongo dela iragarri du Jesus Loza Espainiako Gobernuak Euskal Autonomia Erkidegoan (EAE) duen ordezkariak Radio Vitorian asteazken honetan egin dioten elkarrizketan.

Abiadura Handiko Trenaren (AHT) Gasteizko sarbidea ere hizpide izan du, eta sarrera hori nolakoa izango den jakiteko irailera arte itxaron beharko dela adierazi du. Lozak azaldu duenez, uda osterako bilera tekniko bat egingo da oraindik zintzilik dauden hainbat gai ixteko: bidaiarien trenen iritsiera, merkantzia trenak, trenbideak, etab.

Biktimen Memorialari dagokionez, Lozak aurreratu du kudeaketa daraman patronatua iraila hasieran elkartzekotan dela higigarrien lehiaketa eta museorako proiektuen deialdiak deitzeko. Azken hiru urtean kudeaketa organo horrek ez du bilerarik egin.

Jatorrizko informazioa Radio Vitoriak landu eta eitb.eus-ek itzuli du

Hau zure interesekoa bada, baliteke beste gai hauek ere izatea
Araba Ekonomia Eguneko albisteak Gasteiz berriak Albisteak Gasteizko Aireportua