Itxi

Ekonomia

Lan-gatazka

FCCko langileek bertan behera utzi dute Gasteizko garbiketako greba

agentziak | erredakzioa

FCC eta GMSM enpresekin akordioa lortu ostean erabaki dute lanuzteak baztertzea.

  • FCCren garbiketa kamioiak. Argazkia: EiTB

    FCCren garbiketa kamioiak. Argazkia: EiTB

Gasteizko garbiketako langileek igande gauean hasi behar zuten greba mugagabea bertan behera uztea erabaki dute asanblada batean, FCC eta GMSM enpresekin akordioa lotu eta lan-gatazka desblokeatu ostean.

Gasteizko Udaleko iturriek jakinarazi dute akordioaren berri, izan ere, Precoren egoitzan egin dute akordioa enpresak eta langile batzordeak, enpresak sindikatuen aldarrikapenak betetzeko "konpromisoa" hartu eta gero.

Gero, langileek asanblada egin eta greba bertan behera utzi eta enpresaren eskaintza onartzea bozkatu dute, beraz, garbiketa zerbitzuan ez da murrizketarik izango.

2017an hasi zen gaur amaitu den lan gatazka. Orduan langile batzuk kaleratu zituzten eta enpresak uko egin zion lan-baldintzak hobetzeari.

Udalak esku hartu zuen orduan, eta lan-baldintza batzuk adostu zituzten, enpresak 2018an, 2019an eta 2020an ordaindu beharrekoak zehaztuta. Baina apirilean enpresak ez zuen hitza bete, eta langileek irailaren 10etik aurrera greba mugagabea egitea erabaki zuten.

Gaurko asanbladan lanuztearen data bere horretan uztea edo atzeratzea erabaki behar zuten, baina enpresaren eskaintzak planak aldatzea eragin du, eta azkenean akordioa bozkatu dute.

  • Bisitatuena

      Kargatzen ikusiena
      Kargatzen ikusiena