Ekonomia -
Nafarroako Parlamentua
Nafarroak onartu egin du amatasun eta aitatasun prestazioek PFEZan kenkaria izatea
Neurria 2019ko urtarrilaren 1etik aurrera sartuko da indarrean.
Agentziak | Erredakzioa
Nafarroako Osoko Bilkurak amatasun eta aitatasun prestazioek Pertsona Fisikoen Errentaren gaineko Zergan (PFEZ) kenkaria izateko Foru Lege proiektua onartu dute gaur (osteguna).
Mikel Aranburu Ogasun eta Finantza Politikako kontseilariak azaldu duenez, "Nafarroan babestu beharreko gai dela ulertu genuen, prestazio horiek 2012tik ez baitaude salbuetsiak; ildo horretan, prestazioen babeserako metodo batean pentsatu genuen".
Hori horrela, 2019ko urtarrilaren 1ean indarrean sartuko duten neurri berri horrekin, urteko 30.000 euroko diru-sarrerak dituen eta 10.000 euroko prestazioa jasotzen duen pertsona batek, PFEZa egiten duenean, 2.500 euroko kenkaria izango du kuota diferentzialean, hots, prestazioaren % 25.
Kenkariaren portzentajea modu progresiboan murriztuko da, diru-sarrerak handiagoak izan ahala. Horrela, urtean 45.000 euroko diru-sarrerak dituztenen kasuan, % 20koa izango da; 60.000 eurorainoko diru-sarrerak dituztenentzat, % 15ekoa; 75.000 eurorainoko diru-sarrerak dituztenentzat, % 10ekoa; eta 90.000 eurorainoko diru-sarrerak dituztenentzat, % 5ekoa. Halaber, urtean 105.000 eurotik gorako diru-sarrerak dituztenek ez dute kenkaririk izango.
Foru Lege proiektua Gobernuko lau alderdien aldeko botoarekin aurrera atera da, baina UPNren eta PPNren aurkako botoa eta PSNren abstentzioa izan du.
