Lehen Arretako langileek osasun gastuan izandako murrizketak salatu dituzte

Lehen Arretako langileek 15 minutuko elkarretaratzeak egin dituzte Araba, Bizkaia eta Gipuzkoan, Lehen Arreta Arnasberritzen foro profesionalak deituta. Ostiral honetan agiri batean jakitera eman dutenez, besteak beste, osasun gastuan izandako murrizketak salatu dituzte.

Bestalde, Lehen Arretako profesionalek (mediku, erizain eta administrazio langileak) "egunero gure lana egiteko ditugun muga handiak" agerian jarri dituzte.

Hori horrela, osasunean jarduteko denbora falta salatu dute, eta "gehiegizko" burokrazia kritikatu dute. Gainera, langileen ordezkapenetan dituzten arazoak salatu dituzte. Ildo horretan, kontratu berrien "ezegonkortasuna eta prekarietatea" salatu dute.

Gaurkoa, plataformak deitzen duen bigarren elkarretaratzea da, joan den abendua Kataluniako eta Galiziako medikuei beren elkartasuna helarazteko lehen elkarretaratzea deitu baitzuten. Handik hona, elkarretaratzeak ostiralero egitea proposatu zuten.