Ekonomia -
MediaMarkten bitartez
Euskaltelek Estatu osoan salduko ditu bere produktuak, 'R' markarekin
MediaMarktekin sinatutako hitzarmenak bost urteko iraupena izango du, eta "lanpostu berriak sortuko ditu; esaterako, saltokietako komertzialenak, zein instalazio eta zuzkidura teknikarienak".
AGENTZIAK | ERREDAKZIOA
Euskaltel Taldeak MediaMarkt enpresarekin hitzarmena sinatu du kate alemaniarrak Estatuan dituen 87 saltokietan, zein Internet bidez, bere produktuak saltzeko; "R" markarekin.
Bezeroei zerbitzu hobeagoa eskaintzeko helburuarekin, "wifi premium, bezeroaren beharren araberako telefonia eta telebista zerbitzuak eskainiko dituztela" esan du Euskaltelek. Horrenbestez, 80 kate eskainiko dituzte 4K Android TV deskodeatzaileaz baliatuta eta Netflix eskaintzaren barne izango da.
Gainera, MediaMarktek saltzen dituen smartphone, Smart TV, gaming eta konektatu daitezkeen gailuekin bateragarri izango da zerbitzua. Proiektua "pixkanaka" jarriko dute abian; hasiera batean, 15 saltokitan hasiko dira 87ra heldu arte.
Hitzarmenak bost urteko iraupena izango du, eta "lanpostu berriak sortzea ekarriko du; esaterako, saltokietako komertzialenak, zein instalazio eta zuzkidura teknikarienak".
