Ekonomia -

Enpresak

Tubacexek bost milioi euro irabazi ditu urteko lehen seihilekoan, % 25,3 gutxiago

Sektore energetikoak pairatutako lau urte baino gehiagoko krisiaren ostean, merkatua "orokorrean eta etengabe" suspertzen hasi dela adierazi du konpainiak.

Tubacexen lantegia, Laudion. Argazkia: google maps
Tubacexen lantegia, Laudion
Tubacexen lantegia, Laudion. Argazkia: google maps

agentziak | Erredakzioa

Whatsapp Facebook Twitter Telegram Email

Tubacex enpresak bost milioi euro irabazi ditu urteko lehen seihilekoan, 2018ko epe berean lortutakoa baino % 25,3 gutxiago. Bestalde, enpresaren eskabide-zorroa % 40 hazi da, enpresak berak ostegun honetan jakinarazi duenez.

Sektore energetikoak pairatutako lau urte baino gehiagoko krisiaren ostean, merkatua "orokorrean eta etengabe" suspertzen hasi dela adierazi du konpainiak. Ildo horretan, enpresaren esbakide-zorroak jasandako igoera azpimarratu du.

Taldeak 323,5 milioi euro (% 10,3 gutxiago) saldu ditu lehen seihilekoan eta finantza-gastuak kendu barik lortutako ustiapen irabazi gordinak % 6,4 jaitsi dira, 33,3 milioi euro lortu baititu konpainiak.

Hau zure interesekoa bada, baliteke beste gai hauek ere izatea
Euskal Autonomia Erkidegoa Tubacex Ekonomia Eguneko albisteak Albisteak Metalgintza albisteak