Itxi

2019/10/30

09:16

Ekonomia

2016-2017KO LAN ESKAINTZA

Osakidetzako LEPa ikertzen ari den epaitegiak azterketa batzuk konfiskatu ditu

EITB.EUS

Digestio-aparatua, Angiologia eta Anestesiologia kategorietako probak dira atzemandakoak. Hain justu, espezialitate horietako hiru mediku ikerketapean daude, probak filtratu dituztelakoan.

  • Gasteizko Justizia Jauregia.

    Gasteizko 2. zenbakiko Instrukzio Epaitegiak eman du agindua. ETBko bideo batetik ateratako argazkia

  • Whatsapp
  • Whatsapp
  • Telegram
  • Bidali

Osakidetzaren azken lan-eskaintza publikoan ustez egindako filtrazioak ikertzen ari den epaitegiak susmopean dauden hainbat azterketa konfiskatu ditu. Agindua Gasteizko 2. zenbakiko Instrukzio Epaitegiak eman du. Atzo bertan, Osakidetzak bertan behera utzi zituen, behin-behinean, ikerketapean dauden 11 hautaketa-prozesuak.

El Correo egunkariak gaur argitaratu duenez, Digestio-aparatua, Angiologia eta Anestesiologia kategorietako probak dira atzemandakoak. Hain justu, espezialitate horietako hiru zerbitzuburu (Jose Luis Cabriada, Maria Reyes Vega eta Cesar Augusto Valero) ikertzen ari da epailea, oposiziogile batzuei probak ustez filtratzeagatik.

Egunkari horrek auziren gertuko iturriak aipatuta jaso duenez, laster aginduko du epaileak susmopean dauden beste zortzi kategorietako azterketak ere konfiskatzea.

  • Bisitatuena

      Kargatzen ikusiena
      Kargatzen ikusiena
    ;