Itxi

2020/01/21

15:56

Ekonomia

Soldata igoera

Espainiako Gobernuak % 2ko soldata igoera onartu du langile publikoentzat

Agentziak | Erredakzioa

PPren gobernuak 2018ko martxoan sektore publikoko sindikatu nagusiekin (CCOO, UGT eta CSIF) sinatutako hiru urterako akordioan hitzartuta zegoen igoera.

  • % 2ko igoera finkoak 2,5 milioi langile publikori egingo die mesede.

    % 2ko igoera finkoak 2,5 milioi langile publikori egingo die mesede. Argazkia: EiTB.

  • Whatsapp
  • Whatsapp
  • Telegram
  • Bidali

Ministroen Kontseiluak astearte honetan onartu du 2020rako langile publikoen soldata % 2 igotzea, Maria Jesus Montero ministro bozeramailearen arabera.

"Langile publikoekin dugun konpromisoa betetzen dugu, lehentasuna gure ongizate-estatuaren oinarria delako, eta haien ahaleginarekin zerbitzu publikoak gehien berdintzen gaituena mantentzen laguntzen dutelako", esan du Monterok Kontseiluaren osteko prentsaurrekoan.

% 2ko igoera PPren Gobernuak sektore publikoko sindikatu nagusiekin (CCOO, UGT eta CSIF) 2018ko martxoan sinatutako hiru urterako hitzarmenean adostuta zegoen, eta Gobernu sozialistak bete egin behar izan du 2018ko ekainean Mariano Rajoyren zentsura-mozioaren ostean.

Carolina Darias Lurralde Politika eta Funtzio Publikoko ministroak azaldu duenez, onartutako lege-dekretuak 2020rako akordio horretan aurreikusitako % 2ko igoera finkoa baino ez du jasotzen, baina gogorarazi du itunak hazkunde ekonomikoari lotutako igoera aldakorra ere jasotzen duela.

2019an ekonomia % 2,1 haziz gero,% 0,20ko igoera izango du hitzarmenak, eta BPG % 2,5 haziz gero,% 1ekoa ere izan daiteke.

2019ko Gobernuaren hazkunde aurreikuspena % 2,1ekoa da, nahiz eta erakunde eta ikasketa zerbitzu batzuek % 1,9 eta % 2 artean geratu direla jaso duten.

Halaber, akordioak % 0,30eko igoera gehigarria aurreikusten zuen, produktibitatearen eta beste alderdi batzuen baldintzapean, eta % 0,55ekoa defizit publikoaren helburua betetzearen mende.

Darias ministroak esan du % 2ko igoera finkoak 2,5 milioi langile publikori egingo diela mesede, eta soldata berehala eguneratuko zaiela.

2019ko urtarrileko Administrazio Publikoen zerbitzuko langileen azken estatistika-buletinaren arabera, Espainian 2.578.388 langile publiko daude, eta horietatik erdiak baino gehiago, 1,3 milioi, autonomia-erkidegoetako administrazioari dagozkio, gehienak hezkuntzara (553.014) eta osasungintzara (510.224) mugatuta.

Gainerakoa Estatuko administrazioaren (507.830), tokiko administrazioaren (575.405) eta unibertsitateen (156.042) artean banatzen da.

 

  • Bisitatuena

      Kargatzen ikusiena
      Kargatzen ikusiena
    ;