'Albacora Seis' atunontzia Boli Kostan hondoratu da, ur-ihesa izan ondoren

Nicra-7 armadore bizkaitarraren ontzi bat zen. 29 arrantzaleak beste ontzi batek erreskatatu ditu.

'Albacora Seis' atunontzia. Artxiboko irudia: Nekazaritza eta Arrantza Ministerioa — Atunontzi bermeotar bat hondoratu da Boli Kostan, ur-ihesa izan ostean

eitb.eus

publikatuta: 2020/02/16 20:53 (UTC+1)

azken eguneratzea: 2020/02/16 21:49 (UTC+1)

Albacora Seis Nicra-7 enpresa bizkaitarreko atunontzia 22:40 aldera hondoratu zen larunbatean, Atlantikoan, Abidjanetik (Boli Kosta) 260 milia hegoaldera, ur-ihesa izan ondoren, Faro de Vigo-k aurreratu duenez.

Atunontziak 29 marinel zeramatzan, horietako batzuk galiziarrak; izan ere, basea Vigon zuen hondoratutako ontziak. Itsasontziak Curaçaoko bandera zuen.

Ezbeharra gertatu den unean Calvo konpainiako Montelape ontzia Albacora Seis atunontzitik lau miliara zegoen, eta tripulatzaile guztiak erreskatatzeko denbora izan du. Arrantzale guztiak txalupa batean zain ziren.

Geroago, marinelak Kurtzio-n ontziratu dituzte, armadore bereko beste ontzian.

Hau zure interesekoa bada, baliteke beste gai hauek ere izatea

Afrika Bermeo Bizkaia Gizartea Ekonomia Eguneko albisteak Albisteak Naufragioak Galizia Arrantza

'Albacora Seis' atunontzia Boli Kostan hondoratu da, ur-ihesa izan ondoren

Esteka kopiatuta