Bizkaiko eta Gipuzkoako pentsiodunek gaur jarraituko dute beren protesta balkoietatik

Bizkaiko eta Gipuzkoako pentsiodunen mugimenduek astelehen eguerdiko protestekin aurrera jarraitzeko deia egin dute, baina konfinamenduak irauten duen bitartean leihoetan eta balkoietan egitea proposatu dute.

Bizkaiko pentsiodunek prentsa-ohar batean azaldu dutenez, mobilizazioetan erabili ohi dituzten "zapiak" eta kartelak leiho eta balkoietan jarriko dituzte elkartasuna adierazteko. "Elkartasuna koronabirusaren pandemiaren ondorioz hildakoekin" eta "edozein arrazoirengatik konfinamendua bakardadean igaro behar dutenekin, adinekoei eragingo dielako batez ere, emakumezkoei bereziki", gaineratu dute.

Bestalde, "beharrezko prebentzio neurririk gabe inor lanera ez joateko" eskatu dute, eta "ez ditzala inork oztopoak aurkitu orain bizitza duina izateko, diru-sarrera eta zerbitzu publikorik gabe dagoelako. Pertsonak salbatzea lehenetsi behar da".