Ekonomia -

KORONABIRUSA

Espainiako Gobernuak kaleratzea debekatu du COVID-19aren krisiak iraun bitartean

"Ezin da COVID-19a aprobetxatu kaleratzeko", adierazi du Yolanda Diaz Lan ministroak.

Enpresa bateko langileak. ETBko bideo batetik ateratako irudia.
Enpresa bateko langileak
Espainiako Gobernuak kaleratzea debekatu du COVID-19aren krisiak iraun bitartean

1:03

AGENTZIAK | ERREDAKZIOA

Whatsapp Facebook Twitter Telegram Email

Espainiako Gobernuak kaleratzeak debekatzea erabaki du koronabirusaren krisiak iraun bitartean, Yolanda Diaz Lan ministroak Ministroen Kontseiluaren bileraren ostean azaldu duenez.

"COVID-19a ezin da baliatu kaleratzeko", adierazi du Diazek, eta debekua, atzeraeraginik gabe, gaurtik aurrera ezarriko dela azaldu du.

"Salbuespenezko mekanismo bat ezarri dugu, oso zabala, baliabide publiko askorekin", adierazi du Diazek aldi baterako lan-erregulazioei erreferentzia eginez, kaleratzea beharrezkoa izan ez dadin.

Neurri horrekin batera, aldi baterako kontratuak, prestakuntzakoak, errelebokoak eta behin-behinekoak barne, osasun krisia amaitu arte indarrean mantentzea adostu du Espainiako Gobernuak.

Langabezia saria aldi baterako lan-erregulazioa tramitatu duen enpresaburuak berak zuzenean eska dezan mekanismoak zehaztea adostu du gobernuak. Horrek izapideak arinduko ditu, langileek lehenbailehen kobratu ahal izan dezaten.

Horretarako, inprimaki bat prestatuko dute, enpresek langileen datuekin betetzeko.

"Langabeziagatiko prestazioak oso azkar onartuko ditugu", esan du Diazek, eta behar adina kotizatu ez dutenek ere badutela prestazio hori jasotzeko eskubidea gogorarazi du, eta kontagailua hutsean jarriko dutela.

Era berean, Lan Ikuskaritzak zeregin aktiboa izatea erabaki da aldi baterako lan-erregulazioen kontrolean, eta alegatutako arrazoiak egiaztatzeaz arduratzea, ez-betetzeen kasuan enpresek jasotako zenbatekoen zehapenak edo itzulketak erreserbatuz.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Hau zure interesekoa bada, baliteke beste gai hauek ere izatea
Krisi ekonomikoa gaur Lana Espainiako Gobernua Espainia argazkiak Ekonomia Eguneko albisteak Albisteak Osasun albisteak Enpresaburuak Koronabirusa Yolanda Diazen adierazpenak