Ekonomia -

Anbulantziak greba

Ambuiberican uztailaren 20tik 27ra greba deitu du ELAk

ELAk adierazi du Ambuiberica askotan salatu dutela lan-arriskuen prebentzioan egindako urraketengatik.

ELAk adierazi du Ambuibericak 900 langile dituela Euskadin. Irudia: ELA sindikatua.
Ambuiberica anbulantzien protesta.
ELAk adierazi du Ambuibericak 900 langile dituela Euskadin. Irudia: ELA sindikatua.

Agentziak | Erredakzioa

Whatsapp Facebook Twitter Telegram Email

ELAk greba astea deitu du, uztailaren 20tik 27ra, Ambuiberica anbulantzia enpresan, Lan Ikuskaritzak prebentzioari eta lan-osasunari buruz emandako ebazpenak bete ditzan eskatzeko.

ELAk ohar baten bidez adierazi duenez, Ambuibericak 900 langile ditu Euskadin, anbulantzien sektorearen % 65, eta askotan salatu izan dute lan-arriskuen prebentzioan izandako urraketengatik, bereziki koronabirusaren pandemia garaian.

Sindikatuak ziurtatu du enpresak "bete gabe" jarraitzen duela auzi horri buruzko epaiak, baita EAEko Auzitegi Nagusiarenak ere.

ELAk ere kritikatu du Osasun Sailak ez diola Ambuibericari erantzukizunik eskatu epaiak ez betetzeagatik, eta osasun-garraioa publiko egitea eskatu du.

Hau zure interesekoa bada, baliteke beste gai hauek ere izatea
ELA Grebak Euskal Autonomia Erkidegoa Ekonomia Eguneko albisteak Albisteak Osasun albisteak Sindikatuak