Ekonomia -
Lan-gatazka
CCOOk eta UGTk aurre-akordioa egin dute ITPrekin kaleratzeak murrizteko
Zuzendaritzak 194 kaleratze iragarri zituen Zamudioko lantegian, eta orain 121 izango dira. ELAk ez du ituna babestu.
AGENTZIAK | ERREDAKZIOA
CCOO eta UGT sindikatuek aurre-akordioa egin dute ITP enpresarekin, Zamudioko eta Madrileko langitegietan (Alcobendas eta Ajalvir) iragarritako 309 kaleratzeak 206ra murrizteko. Horrela, bada, Zamudion 121 langile kaleratuko dituzte, 72 Ajalvirren eta 13 Alcobendasen, Europa Pressek iturri sindikalak aipatuta zabaldu duenez.
Zamudioko lantegian, 71 langileri ez diete kontratua berrituko, zortzi ordaindutako bajak izango dira eta kaleratuko dituzten gainerako 41 langileak 58 urtetik gorakoak dira eta osagarriak jasoko dituzte.
Hasiera batean, zuzendaritzak 194 kaleratze iragarri zituen Zamudioko plantan.
ELAk ez du babestu CCOOk eta UGTk enpresarekin egindako aurre-akordioa.
Itun horren arabera, kaleratzeez gain, aldi baterako lan-erregulazio bat ere aplikatuko dute Zamudion, azarotik 2021eko abenduaren 31 arte. 426 beharginengan izango du eragina.
