Ekonomia -
Koronabirusa
Atzeratu egin dituzte Hezkuntzako Lan Eskaintza Publikoko probak
Jaurlaritzak jakinarazi duenez, Osasun Saileko arduradunekin aztertu dute egoera, eta beharrezko jo dute atzerapena.
agencias | redacción
Hezkuntza Sailak Lan Eskaintza Publikoaren (LEP) probak gutxienez datorren urteko ekainera arte atzeratzea erabaki du, Osasun Saileko arduradunekin COVID-19aren pandemiaren egoera aztertu ostean. 1.148 irakasle plaza (1.021 Bigarren Hezkuntzakoak eta 127 Lanbide Heziketako teknikariak) banatuko dituzte proba horietan.
Deialdi horixe bera izan zen aurreko ekainean, arrazoi beragatik, atzeratu zutena. Abuztuan argitaratutako atzerapen horretan agertzen zenez, LEPa abenduan hasi behar zen, egoerak "ahalbidetuko balu".
Gaurko erabakia dagoeneko jakinarazi diete hezkuntza arloko sindikatuei eta oposizioetarako hautagaiei, 4.000 bat pertsonari.
Hezkuntza Sailak "osasun egoerak ahalbidetzen duenean" egingo ditu probak, "baina ez ekaina baino lehenago", eta hautagaiek jakinarazpen bat jasoko dute probak baino bi hilabete lehenago gutxienez.
Hezkuntza Sailak atsekabea agertu du erabakiak sor ditzakeen "arazoengatik", eta berretsi du "osasun publikoaren eta osasun segurtasunaren irizpideetan oinarrituta" hartu dutela.
