Ekonomia -

Zergak

Bizkaian 14.000 eurotik beherako errenten PFEZa salbuetsita geratuko da 2021ean

Foru Aldundiak ez du zigortuko covid-19aren pandemiaren ondorioz lan-egoera kaltetu zaien zergadunen tributazioa.

Aldaketak pertsona fisikoen errentaren gaineko zergan. Argazkia: Bizkaiko Foru Aldundia.
Bizkaiko Foru Aldundia
Aldaketak pertsona fisikoen errentaren gaineko zergan. Argazkia: Bizkaiko Foru Aldundia.

N. B. | EITB MEDIA

Whatsapp Facebook Twitter Telegram Email

Bizkaiko Foru Aldundiak Pertsona Fisikoen Errentaren gaineko Zergaren konturako atxikipenen taula berria onartuko du 2021erako eta covid-19aren pandemiaren ondorioz lan-egoera kaltetu zaien zergadunen tributazioa ez zigortzeko hartutako azken neurrietara egokituko du, Foru Aldundiak jakinarazi duenez.

Horrela, atxikipena egiteko betebeharra 14.000,01 eurotik gorako urteko lan-etekinetarako ezartzen da, zerga hori aitortzeko betebeharrerako ezarritako mugarekin parekatuz.

2020rako ezarritako lan-atxikipenen taulari dagokionez 2021ean desagertu egin dira 11.860,01 eta 14.020,00 euro arteko atxikipen- ehunekoak finkatzen zituzten lau soldata-tarteak, eta hurrengo tarteetarako atxikipen-portzentaje berak mantendu dira.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Hau zure interesekoa bada, baliteke beste gai hauek ere izatea
Bizkaia Errenta aitorpena Ekonomia Eguneko albisteak Albisteak Koronabirusa Zergak gaur