Itxi

2021/01/29

10:44

Ekonomia

Inflazioa

Prezioak % 0,6 igo dira urtarrilean, lehen gorakada 2020ko otsailetik

N.B. | EITB MEDIA

Prezioen gorakada horretan eragina izan du, batez ere, elektrizitatearen (2020an baino handiagoa), zenbait elikagairen eta gasaren prezioen igoerak.

  • Emakume bat fruta erosten

    INEk otsailaren 12an argitaratuko ditu urtarrileko behin betiko datuak. Argazkia: pexels.com.

  • Whatsapp
  • Whatsapp
  • Telegram
  • Bidali

Kontsumorako Prezioen Indizea (KPI) % 0,1 igo zen urtarrilean, aurreko hilabetearekin alderatuta, eta urte arteko tasa % 0,6koa izan zen, abenduan baino puntu bat gehiago ( % -0,5); hala, bere lehen tasa positiboa izan zen, bederatzi hilabetez balio negatiboak izan ostean, Estatistikako Institutu Nazionalak (INE) ostiral honetan argitaratutako datuen arabera.

Prezioen gorakada horretan eragina izan du, batez ere, elektrizitatearen (2020an baino handiagoa), zenbait elikagairen eta gasaren prezioen igoerak. Gainera, pakete turistikoak 2020ko urtarrilean jaitsi ziren 2021ean baino gehiago.

Hileko tasari dagokionez (2021eko urtarrila 2020ko abenduarekiko), KPIa % 0,1 igo da, aurreko bi hilabeteetan baino hamarren bat gutxiago eta bost hilabetez jarraian egin dute gora.

Azpiko inflazioa % 0,6koa izan da, KPI orokorra eta abenduan baino bost hamarren gehiago ( % 0,1).

Kontsumoko prezioen indize harmonizatua (IPCA) ere % 0,6koa izan da urte batetik bestera, abenduan baino 1,2 puntu gehiago. Indize horrek metodo berarekin neurtzen du prezioen bilakaera euroguneko herrialde guztietan.

INEk otsailaren 12an argitaratuko ditu urtarrileko KPIaren behin betiko datuak. Datu hori baieztatuz gero, kontsumoko prezioen indizeak (KPI) bederatzi hilabete jarraian negatiboan amaituko lituzke, eta 2020ko otsailetik aurrerako igoera izango litzateke, martxoan indizea hutsean geratu baitzen.

  • Bisitatuena

      Kargatzen ikusiena
      Kargatzen ikusiena
    ;