Publizitatea
Itxi

2021/03/29

14:27

Ekonomia

Krisia

Petronorrek 300 langileri eragingo dien aldi baterako lan erregulazioa aurkeztu du

eitb media | agentziak

Muskizko lantaldearen herena da hori, eta enpresak argudiatu du mugikortasunari jarritako mugen ondorioz birfindegiaren jarduera % 40 murriztu delako proposatu duela neurria.

  • Petronorren birfindegia Muskizen. Argazkia: Efe

    Petronorren birfindegia Muskizen. Argazkia: Efe

  • Whatsapp
  • Whatsapp
  • Telegram
  • Bidali

Petronorrek Muskizko birfindegiko lantaldearen herenari, 300 langileri, abenduaren 31ra arte eragingo dien Aldi Baterako Lan Erregulazio Txostena aurkeztu du.

Enpresak argudiatu du covid-19aren pandemiarengatik mugikortasunari jarritako mugen ondorioz birfindegiaren jarduera % 40 murriztu delako proposatu duela neurria. Izan ere, beherakada horrengatik lantegiaren atal batzuk geldirik eduki omen dituzte.

"Garaiotan Petronorrek formakuntzaren aldeko apustua egin du langile guztiak lanpetuta edukitzeko, baina irtenbide hori ezin da betiko luzatu", eta horregatik Aldi Baterako Lan Erregulazio Txostena aurkeztea erabaki du. Gainera, horri esker "2025eko epemugari begira birmoldatze prozesua bermatuko" omen du Repsolena den eta Kutxabank bazkide duen konpainiak. 

Petronorren arabera, "mugikortasunaren itzuleraren inguruan dauden zalantzekin, guztia txertaketa prozesura lotuta baitago, ezin da aurreikusi birfindegia noiz itzuliko den ohiko funtzionamendura".

"Gainera, horri gehitu behar zaio trantsizio energetikoak sortutako egoera zalantzatsua, datozen urteetan inbertsio eta proiektu handiak eskatuko dituena, bizirauteko eta gas-isuria 0 izateko helburuarekin", azaldu du konpainiak.

Sindikatuek mobilizazioak egingo dituzte

Bestalde, Petronorreko sindikatuak astearte honetan bilduko dira eta aldi baterako lan-erregulazioa salatzeko mobilizazioak deitzeko egutegia prestatuko dute.

CCOO Euskadi sindikatuak Europa Press agentziari azaldu dioenez, "iazko balantze ekonomikoaren arabera, enpresak 300 milioi euro baino gehiagoko galera izan zuen, horietatik 180 milioi produkzioari lotuta daude eta gainerakoak petrolioaren prezioaren jaitsieran ondorio dira".

"Zuzendaritzak gastu finkoari eusteko neurriak hartzea erabaki zuen. Otsailean bederatzi neurri aurkeztu zizkiguten, tartean aldi baterako lan-erregulazioa. Baina lantaldea ez da arazoa eta enpresaren galerak ez dira lan-erregulazio batekin konponduko; izan ere, lantaldeak 2 milioi euroko balioa dauka eta galera produktiboa 180 milioitik gorakoa izan da", ohartarazi dute.  

  • Bisitatuena

      Kargatzen ikusiena
      Kargatzen ikusiena
    ;