Ekonomia -
Kutxen lege berria
Kutxabank 'eztabaida politikotik kanpo' uztea eskatu du EAJk
Urkullu 'ahalik eta adostasun gehien' izango duen kutxen lege berria negoziatzearen alde dago. 'Garitanoren abisu onartezinak' eta PSEren 'zalantza interesatuak' salatu ditu.
Erredakzioa
Iñigo Urkullu EAJko EBBeko presidenteak Kutxabank 'eztabaida politikotik kanpo' uztea eskatu du, eta 'ahalik eta adostasun gehien' izango duen kutxen lege berria negoziatzearen alde agertu da.
Bere blogean kaleratu duen idatzi batean esan du Kutxabanken proiektua 'planteatutakoaren eta onartutakoaren ildotik' ari dela garatzen. "Eman diezaiogun Kutxabanki dagoen lekura iristeko aukera eskaini izan dion jarduera askatasuna'.
Martin Garitano Gipuzkoako ahaldun nagusiak Kutxabanken kontseilua salatzeko auzitegitara jotzeko ''mehatxua'' salatu du Urkulluk, eta gogoratu du Garitanok eta Bilduk integrazioaren baldintzak onartu zituztela. EBBeko presidenteak gogoratu du zenbakiengatik zegokiona baino handiagoa dela Kutxak bertan duen ordezkaritza.PSE-EEren jarrera ere kritikatu du jeltzaleak. Sozialistak hiru urtez kutxen lege berria 'ehotzen eta ehotakoa desegiten' aritu izana salatu du, ''ordezkaritza kalkuluetan nahastuta''. ''Orain Kutxabakeko kontseiluaren osaketa ere zalantzan jarri dute'', eta ''zalantza interesatuak eta partzialak'' direla uste du Urkulluk.
