Publizitatea
Itxi

2021/07/15

16:33

Ekonomia

Gastronomia

Xanty Elias sukaldariak irabazi du 2021eko Basque Culinary World Prize saria

A. O. | EITB Media

Kultura Gastronomiko Solidarioa irakasgaia lehen hezkuntzako eskoletan sartzeko lanean ari da, ziur baitago garrantzitsua dela sukaldaritzaren eta kontsumo kontzientearen inguruko kulturan heztea.

  • Xanty Elias sukaldariak 2021eko Basque Culinary World Prize saria irabazi du.

    Xanty Elias sukaldariak 2021eko Basque Culinary World Prize saria irabazi du. Argazkia: @BCulinaryWP

  • Whatsapp
  • Whatsapp
  • Bidali

Xanty Elias sukaldariak irabazi du 2021eko Basque Culinary World Prize saria, haurren elikadura-hezkuntzan eragiteagatik, antolatzaileek ohar batean nabarmendu dutenez.

"Los Niños se Comen el Futuro" ekimenarekin, 2018tik ari da lanean Kultura Gastronomiko Solidarioa irakasgaia lehen hezkuntzako eskoletan sartzeko, ziur baitago garrantzitsua dela sukaldaritzaren eta kontsumo kontzientearen inguruko kulturan heztea.

Horrela, haurrek eta senideek jakien garrantziaz eta mahai baten inguruan partekatzeko une bereziaz jabetzen dira, "bai eta gure osasuna zaindu beharraz ere, Mediterraneoko dieta osasuntsu batekiko atxikidura-maila berreskuratuz, elikagaietan balio solidarioak sustatzen dituen bitartean".

Epaimahaiak, Joan Roca sukaldaria buru duela eta munduko sukaldari garrantzitsuenetako batzuk osaturik, honako hau nabarmendu du: "Xantyren lanak erakusten du munduko hainbat tokitan sukaldariek duten interesa gastronomia gure gizarteko hezkuntza sisteman txertatzeko. Horretarako, etorkizuna diren haurretan, janariak duen benetako balioaz kontzientzia sortzeko beharrezkoak diren testuinguruak eta balioak erein behar dira, bai eta kulturen, herentzien eta nortasunen dinamizatzaile gisa duen balioa onartu ere".

"Ez dago hezitzea baino osasuntsuagorik den ezer" lelopean, gaur egun Andaluziako 80 ikastetxe inguruk dute Eliasen programa ezarrita, lehen hezkuntzako 15.000 ikasle barne, eta baita zonalde kaltetuetako beste 25 bat eskola bekadunak ere. Aldi berean, 2021eko irailean Madrilgo 130 ikastetxe inguru jarriko dute martxan bere ekimena.

Saria jaso ostean, Xanty-k oso pozik eta eskertuta dagoela adierazi du, eta honakoa gaineratu du: "Gauza zoragarria da, eta errealitate bat da dagoeneko gastronomiak eta sukaldariek gizartea etorkizun hobeagorantz eboluzionatu dezakegula; kultura gastronomikoak balio erreala izan dezake irakaskuntzaren hasieratik".

Ekimen hau etorkizuneko kontsumitzaileei "ezagutza partekatzeko beharretik" sortzen da, ikastetxeetan irakatsiko den ikasgai baten bidez, kontzientzia eta ohitura hobeak sortzen lagunduz. "Haurra izanda, kontzientzia elikatzea da etorkizun osasuntsuago eta jasangarriagoaren oinarria", gaineratu du.

Basque Culinary Center gastronomian lider den erakunde akademikoak eta Eusko Jaurlaritzak ematen dute sari hau, Euskadi-Basque Country estrategia integralaren esparruan. Sari horrek ekimen eraldatzaileak dituzten sukaldarien lana aintzatesten du, eta 100.000 euroko laguntza bideratzen du irabazleak aukeratutako proiektu baterako.

Bi aipamen berezi

Xanty Eliaz gain, epaimahaiak beste bi sukaldarien lana saritu du, eta aipamen bereziak eman dizkie: Kia Damoni (EEBB), ekitate-testuinguruen alde borrokatzeagatik, sektore honen aurpegia ematen duten erreferenteak dibertsifikatzeagatik eta normalean baztertutako taldeen talentua ikusarazteagatik, eta Ana Estrelari (Brasil/Italia) sukaldaritzaren bidez pertsonak sozialki txertatzeagatik.

Horrela, Basque Culinary Centerrek honako interes hau berretsi nahi du: "Egungo erronkak ikusaraztea eta bikaintasunerako bokazioa duten sukaldari ekintzaileen profilak identifikatzea, bai eta berritzaileak, sortzaileak eta saiatuak ere, komunitatearekin konprometituta daudenak eta gastronomiak dakarren fenomeno inspiratzaile bezain kutsatzaile baten eredu direnak".

Xanty Elias izan da irabazlea, munduko sukaldari garrantzitsuenetako batzuek osatutako epaimahai batek aukeratuta. Juan Roca (El Celler de Can Roca) sukaldaria buru dela, beste aditu ezagun batzuk ere izan ditu: Elena Arzak (Arzak), Gaston Acurio (Acurio Restaurantes), Dan Barber (Blue Hill), Massimo Bottura (Osteria Francescana), Manu Buffara (Manu), Dominique Crenn (Atelier Crenn), Trine Hahnemann (Hahnemanns Køkken), Yoshihiro Narisawa (Narisawa) eta Enrique Olvera (Pujol).

  • Bisitatuena

      Kargatzen ikusiena
      Kargatzen ikusiena
    ;