Ekonomia -

Gertakaria

Errepideetako mantentze-zerbitzuko langile bat zauritu dute N-1ean aire konprimatuko arma batekin

Bart jazo da, Ordizia parean (Gipuzkoa). Behargina arin zauritu dute beso batean, eta 20 urteko gizon bat ikertzen ari dira gertakari horrekin zerikusia duelakoan.

Errepideetako mantentze lanetako beharginak. Argazkia: @Zerbitzuustela
Errepideetako mantentze lanetako beharginak.
Errepideetako mantentze lanetako beharginak. Argazkia: @Zerbitzuustela

Eider Garaikoetxea O. | EITB Media

Whatsapp Facebook Twitter Telegram Email

Gipuzkoako Foru Aldundiko errepideetako mantentze-zerbitzuko langile bat zauritu dute bart, N-1 errepidean, Ordizia parean (Gipuzkoa), aire konprimatuko arma batekin tirokatuta, Segurtasun Sailak eitb.eus-i jakinarazi dionez.

01:00a aldera, behargina errepide horretako mantentze-lanetan zebilen, argitu gabeko arrazoiak tarteko, aire konprimatuko arma baten balatxo batek bete-betean jo dionean. Inpaktuaren ondorioz, gizonak min hartu du besoan, zauria larria izan ez bada ere. 

Ertzaintzak ikerketa zabaldu du eta 20 urteko gizon bat identifikatu du gertakariarekin zerikusia duelakoan.

Zerbitzu Ustela izeneko Twitterreko kontuak (langile horiek jasaten duten "prekarietatea" salatzeko sortua) gertatutakoaren berri eman du:

Hau zure interesekoa bada, baliteke beste gai hauek ere izatea
Ertzaintza Gipuzkoa Gizartea Ekonomia Eguneko albisteak Ordizia Albisteak Sindikatuak N-1