Ekonomia -
Lan-erreforma
'Eskubideak murriztea ez da enplegua sortzeko bidea'
Eusko Jaurlaritzak ohartarazi duenez, kaleratze guztiak izango dira objektiboak. 'Ba al dago enpresarik azken bederatzi hilabeteotan sarrerak gutxitu ez dituenik?, galdetu du.
Erredakzioa
Rajoyren Gobernuak ostiral honetan onartu duen lan-erreformak langileen eskubideak murrizten dituela esan du Jaurlaritzak. 'Hori ez da enplegua sortzeko bidea', gaineratu du.
Enplegu eta Gizarte Gaietako Sailak ohar batean azaldu duenez, erreformak kaleratzea merkatu eta errazten du, kaleratze guztiak izango baitira objektiboak. 'Ba al dago enpresarik azken hiru hiruhilekoetan sarrerak gutxitu ez dituenik?, galdetu du Jaurlaritzak.
Enpresa arrazoiengatik bultzatutako kaleratzeen inguruan, Jaularitzak uste du neurri horrek langileek eskubideak murrizten dituela.
"Ekintzaileei zuzendutako" mugagabeko kontratuaren harira, Enplegu Sailak esan du urtebeteko froga epe horri esker langilea inongo kalte-ordainik gabe kaleratu ahal izango dutela denbora tarte horretan.
