Itxi

2021/09/25

19:23

Ekonomia

NEGOZIAZIOAK

Eusko Jaurlaritzak Euskadin mantentzen bada bakarrik babestuko du ITPren erosketa

I. G. | EITB MEDIA

Eusko Jaurlaritzak erosketa babestuko duela ziurtatu du Urkulluk, baldin eta enpresa industria aeronautikoan estrategikotzat jotzen bada eta erabakiak hartzeko zentroa Euskadin badago.

  • ITP Aero

    ITP Aero. Irudia: EFE

  • Whatsapp
  • Whatsapp
  • Telegram
  • Bidali

Iñigo Urkullu lehendakariak larunbat honetan adierazi duenez, Eusko Jaurlaritzak "gastu handi" batekin babestuko du ITP Aero erosketa, betiere enpresa estrategikotzat jotzen bada industria aeronautikoan eta erabakiak hartzeko zentroak Euskadin jarraitzen badu.

Urkullu "kezkatuta" agertu da sare sozialetan, Barakaldon eta Sestaon lantegiak dituen ITP enpresaren salmenta "noraezean" dagoelako, Bain Capital inbertsio funts estatubatuarrak beste inbertsio batzuei ateak ireki ostean.

Ban Capitalek, Espainiako Gobernuak eta Eusko Jaurlaritzak irailaren 27ko data jarri zuten ITPren salmentaren inguruan "denentzat egokia" den akordio bat ixteko, Rolls-Roycen esku dagoena.

Bazkide izan daitezkeenen artean hainbat euskal enpresa daude, horien artean Sener, baina zailtasunak ari dira izaten negoziazioetan.

Lehendakariak Eusko Jaurlaritzak hilabeteak daramatzala ITP enpresaren etorkizunari laguntzeko konpromisoari eusten gogorarazi du.

Industria aeronautikoan ITP estrategikotzat jotzen badute eta "erabakigunea eta egoitza fiskala eta soziala" Euskadin jarraitzen badute, Jaurlaritzak bere kapitalean "gastu garrantzitsua" egingo duela berretsi du.

Gainera, "solidoa" den industria-proiektu bat definitu beharko litzatekeela adierazi du, inbertsioari, I+Daren aldeko apustuari eta enpleguaren aldeko apustuari eusteko.

"Adostutako baldintzak betetzeko kontrol neurriak beharko dira, eta Eusko Jaurlaritzak ordezkari bat izango luke sozietate nagusiaren administrazio kontseiluan", gaineratu du.

"Horiek eta ez beste batzuk dira Eusko Jaurlaritzak operazioa babesteko adostutako arauak", ohartarazi du Urkulluk, eta inplikatutako agente guztiek "Euskadin ainguratutako" ITPren etorkizunaren aldeko jarrerari eustea espero duela gaineratu du.

  • Bisitatuena

      Kargatzen ikusiena
      Kargatzen ikusiena
    ;